+12 °С
Ямғыр
Бөтә яңылыҡтар
Ғаилә йылына арнап
Мәктәбебеҙҙә үткән «Атай, әсәй һәм мин – татыу ғаилә» конкурсы Ғаилә йылына арналды. Был ярыштан беҙ ҙә ситтә ҡалманыҡ. Атайым, әсәйем һәм III синыфта уҡыған ҡустым Нуриман беҙҙең Көмөшҡоловтар ғаиләһе данын яҡланы. Шулай уҡ Ҡоланбаевтар, Ситдиҡовтар, Рыҫкилдиндар, Ҡарабаевтар һәр һынауҙа сәмләнеп көс һынашты, әүҙем ҡатнаштылар.
Мәктәбебеҙҙә үткән «Атай, әсәй һәм мин – татыу ғаилә» конкурсы Ғаилә йылына арналды. Был ярыштан беҙ ҙә ситтә ҡалманыҡ. Атайым, әсәйем һәм III синыфта уҡыған ҡустым Нуриман беҙҙең Көмөшҡоловтар ғаиләһе данын яҡланы. Шулай уҡ Ҡоланбаевтар, Ситдиҡовтар, Рыҫкилдиндар, Ҡарабаевтар һәр һынауҙа сәмләнеп көс һынашты, әүҙем ҡатнаштылар.
Бәйгене физкультура уҡытыусыһы Резеда Рәхмәтуллина ойошторҙо һәм ата-әсәләр комитеты ағзаһы Азамат Арыҫланов менән берлектә алып барҙы. Мауыҡтырғыс, ҡыҙыҡлы ярышта һәр ғаилә үҙенең төрлө яҡтан һәләтен күрһәтте.
Атайым иң оҫта картуф әрсеүсе тип танылды, әсәйем һикергестә шәп, етеҙ һикерҙе, ә Нуриман шарҙар шартлатыуҙа оҫталығын күрһәтте. Арҡан тартышыуҙа иң көслө ғаилә лә беҙҙекеләр ине. Мин Көмөшҡоловтар өсөн борсолоп та, ғорурланып та ултырҙым. Жюри дуҫлыҡ, татыулыҡ еңде, тип иғлан иткәс, әүҙем ҡатнашҡан ғаиләләргә мәктәп етәкселеге тарафынан әҙерләнгән Маҡтау ҡағыҙҙары тапшырылды. Ә мәҙәниәт йорто директоры Хәмиҙә Ҡоланбаева бөтә ҡатнашыусыларҙы бүләктәре менән ҡыуандырҙы.
Мәктәптә үткәрелгән сараларҙа һәр ваҡыт аҡсалата ярҙам күрһәткән ауылыбыҙҙың фермеры Фаил Ҡоланбаевҡа ғаиләбеҙ исеменән оло рәхмәтебеҙҙе еткерәбеҙ.
Йәмилә КӨМӨШҠОЛОВА, V синыф уҡыусыһы.
Баймаҡ районы, Йәнйегет мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж