-5 °С
Болотло
Бөтә яңылыҡтар
Ауырлыҡтарға һынмаған, бирешмәгән
Йыш ҡына өләсәйемдең үткәндәр тураһында һөйләгәнен ишеткәнем бар. Уларҙы һәр ваҡыт ҙур ҡыҙыҡһыныу менән тыңлайым. Бигерәк тә үҙенең атаһы тураһында һағынып һөйләй ул. Ҡарт олатайым – Таһир Усман улы Харрасов 1912 йылда Күгәрсен районының йәмле Дауыт-Ҡайып ауылында донъяға килә.
Бала сағы бик ауыр ваҡытҡа – аслыҡ, юҡлыҡҡа тура килә. 24 йәшенән 1934 йылдың сентябренән 1936 йылдың декабренә тиклем 75-се кавалерия полкында хеҙмәт итә. Ошо уҡ йылды ҡарт өләсәйем – Миңъямал Абдулхаҡ ҡыҙы Ишкилдина менән ғаилә ҡоралар. 1939 йылғы Фин һуғышында ла ҡатнаша.
Ә 1941 йылдың июнь айында инде ҡарт олатайым Бөйөк Ватан һуғышына китә. Ул 391-се уҡсылар полкында Сталинград өсөн барған алышта ҡатнаша. Ошо уҡ йылды әсирлеккә эләгеп, яу аҙағынаса немец концлагерҙарында була. Унда күргән михнәттәрҙе ҡарт олатайым бер ҡасан да балаларына һөйләмәгән. Тотҡондан уларҙы француз армияһы ҡотҡара. Хөкүмәт тикшереүен Бреславль ҡалаһында үтә. Уны һуғыш ваҡытында емерелгән Сталинград ҡалаһын төҙөкләндереү өсөн эшкә ебәрәләр. Ике ай булғас, 1946 йылдың декабрендә отпускыға ҡайталар.
Һуғыштан һуңғы ауыр йылдарҙа трактор йөрөтөр өсөн ир-егеттәр етмәй. Ҡарт олатайымдың алдынғы тракторсы булғанын белеп, хужалар уның ҡалыуын һорай. Эшләгән ереңә рөхсәт ҡағыҙы һорап ебәрербеҙ, тип вәғәҙә лә итәләр. Уларға ышанып, ауылда ҡалырға була. Ниндәйҙер сәбәптәр арҡаһында юллау ҡағыҙы барып етмәгәнме әллә бөтөнләй ебәрмәгәндәрме, 1947 йылдың ҡыҙыу сәсеү осоронда ике милиционер килеп, уны ҡулға ала һәм алты айға Ишембай ҡалаһына төрмәгә оҙаталар. Бер ғәйепһеҙгә зинданға эләгеү ул ваҡытта ғәҙәти хәл булған. Ләкин олатайым һынмай, бирешмәй, бер ваҡыт ғәҙеллек барыбер тантана итеренә ышанып йәшәй.
Ул бик матур хеҙмәт юлы үтә, 1952 йылға тиклем тракторсы була. Аҙаҡ 1972 йылға саҡлы малсылыҡта тырышып эшләй. Олатайым 1982 йылға тиклем йәшәп, балаларына хеҙмәтте яратырға, тыныслыҡтың ҡәҙерен белергә өйрәтә.
– Әле Дауыт-Ҡайып ауылы тураһында китап яҙырға йыйыналар, эҙләнеүҙәр бара. Шул ваҡытта тағы ла күберәк мәғлүмәт белербеҙ, – тигән өмөттә минең өләсәйем.
Беҙ үҙебеҙҙең үткәндәребеҙҙе белергә, фәһем һәм үрнәк алырға тейешбеҙ.
Гөлсөм АБДУЛЛИНА, VII «В» синыфы уҡыусыһы.
Өфө ҡалаһы, Рәми Ғарипов исемендәге
1-се республика башҡорт интернат-гимназияһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж