+12 °С
Ямғыр
Бөтә яңылыҡтар
«Урал батыр» дуҫтарын йыйҙы
Башҡорт халҡының бик боронғо «Урал батыр» эпосының мәшһүрлеге, бай йөкмәткеле булыуы, аҫыл ауыҙ-тел ижады ҡомартҡыһы икәнлеге хәҙер инде күптәргә мәғлүм. Уның даны таралғандан тарала бара, ҡобайырҙы өйрәнгән балалар ҙа артҡандан арта ғына.
Йәш сәсәндәрҙең сираттағы республика конкурсы быйыл июнь айында Ишембай ҡалаһында үтте. Гимназиябыҙ исеменән был абруйлы бәйгелә ҡатнашыу бәхете VI синыф уҡыусылары Морат Ғәлиев, Батыр Усманов, Регина Лоҡмановаға тәтене. Беренсенән, үҙ көстәрен һынаһалар, икенсенән, Ишембай яҡтарын күрҙеләр.
Төбәк этабын үтеп, республика кимәлендә Башҡортостаныбыҙҙың 28 район һәм 8 ҡалаһынан 166 уҡыусы ҡатнашты. 30 фольклор командаһы эпостарҙан өҙөк сәхнәләштерһә, 46 уҡыусы «Урал батыр»ҙы яттан һөйләү бәйгеһендә көс һынашты. Бәйге Ишембайҙың Владимир Ленин исемендәге майҙанында һәм Торатау битләүендә үтте.
Ойоштороусылар уҡыусыларҙың ялын онотолмаҫлыҡ итеү өсөн бөтә көсөн һалды: Көҙән ауылына Әхмәтзәки Вәлидиҙең музейына экскурсия ойошторолдо, ҡатнашыусылар изге Торатауға менеү бәхетенә иреште.
Беҙҙекеләр гимназияның драма түңәрәге етәксеһе, Башҡортостандың атҡаҙанған артисы Илнур Флүр улы Лоҡманов етәкселегендә «Урал батыр» эпосынан өҙөк сәхнәләштереп, мәғариф министрлығының «Иң яҡшы актёрлыҡ һәләте өсөн» тигән грамотаһына лайыҡ булды. Бәйге уҡыусыларға рухи көс өҫтәне. Уларға киләсәктә лә яңынан-яңы уңыштар һәм ҙур еңеүҙәр юлдаш булыуын, алдағы көндәрҙә лә Урал батыр вариҫтары булып ҡалыуҙарын теләйбеҙ.
Гүзәл ХОҘАЙБИРҘИНА, башҡорт теле һәм әҙәбиәте уҡытыусыһы.
Өфө ҡалаһы,
Ғәзиз Әлмөхәмәтов исемендәге республика интернат-гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж