+12 °С
Ямғыр
Бөтә яңылыҡтар
Йөрәктәрҙә йондоҙ ҡабынды
Интернат-гимназиябыҙҙың VII «А» синыфында Башҡорт теле йылына арналған байрам үтте. Бында уҡыусылар атай-әсәйҙәре һәм олатай-өләсәйҙәре менән туған телдәрендә тасуири итеп яттан шиғырҙар һөйләне.
Байрам барыбыҙға ла оҡшаны. Уны матур итеп алып барғандары өсөн Илнур Сәйетғәлинға, Айгизә Ҡарағоловаға һәм яратҡан тәрбиәсебеҙ Айгөл Азат ҡыҙы Теләүсинаға айырым рәхмәтебеҙҙе еткерәбеҙ.
Нургизә Сыңғыҙова һәм Эльмира Йәнебай ҡыҙы, Илмир Торсонбаев һәм ҡартәсәһе Зәйтүнә Исрафил ҡыҙы, Зәлиә Хафизова һәм әсәһе Әлфиә Сәлимйән ҡыҙы, Байрас Әфләтүнов һәм әсәһе Айгөл Алмаз ҡыҙы, Камила Иҫәнбаева һәм атаһы Айбулат Фазылйән улы көстәрен һынап, башҡорт телендә шиғырҙар ятланы. Лениза Рәфҡәт ҡыҙы Сәйетғәлина «Ҡара икмәк» шиғыры менән тамашасылар күңелендә ғорурлыҡ уятты. Гөлдәриә һәм әсәһе Лилиә Фәйзулла ҡыҙы Илбуловалар дәртле йырҙарын бүләк итте. Зөлфирә һәм уның апаһы Мәүлиҙә Йомағужиналар әсәйҙәре Әлфиә Фәрит ҡыҙы ижад иткән «Әсәйгә хат» шиғырын һөйләп ишеттерҙе.
– Байрамыбыҙ балалар һәм уларҙың ата-әсәләре өсөн дә бик файҙалы һәм фәһемле булды. Һәр кем етди әҙерләнгән ине. Тулҡынландырғыс минуттар ҙа булды. Тыуған еребеҙгә, телебеҙгә һөйөү, ғорурлыҡ тойғоһо тәрбиәләү, ғаилә ҡиммәттәрен һаҡлау, башҡорт халҡының күренекле шәхестәре менән таныштырыу – төп маҡсатыбыҙ.
Шиғриәт яратҡан балалар белем ала гимназиябыҙҙа. Башҡорт теленең, Рәми Ғарипов әйтмешләй, бай, яғымлы икәненә инандыҡ. Күңелдәргә рухи аҙыҡ, йыуаныс булды. Мәктәп йылдарының яҡты тәьҫораттарының береһе булып ҡалды был шиғриәт байрамы, – тип йомғаҡлап ҡуйҙы кисәбеҙҙе синыф етәксеһе Әлмира Рәфҡәт ҡыҙы Иҫәнғолова.
Камила ИҪӘНБАЕВА, «Ҡаурый ҡәләм» түңәрәге ағзаһы.
Сибай интернат-гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж