+12 °С
Ямғыр
Бөтә яңылыҡтар
Етмеш биш йыллыҡҡа – етмеш биш "бишле"!
Календарь биттәре яңынан-яңы байрамдар, иҫтәлекле көндәр менән сыбарланып бөтһә лә, 9 Май – араларында иң изгеһе, иң ҡәҙерлеһе.
Йылдар үткән һайын Бөйөк Еңеү таңын тыуҙырған был иҫтәлекле көн, кеше күңелдәрендә гранит һәйкәлгә әүерелеп, сағыулана ғына бара.
Ошо байрам айҡанлы мәктәбебеҙҙә Бөйөк Еңеүҙең 75 йыллығына арналған «Етмеш биш «бишле» акцияһы иғлан ителгәйне. Уҡыусылар унда ҙур теләк менән ҡатнашты. Хәҙер беҙҙең мәктәптә һәр кем тулыһынса электрон көндәлеккә күсте. Шуға күрә уҡыусыларға ҡуйылған билдәләрҙе һанау бигүк ҡыйынлыҡ тыуҙырманы, был йәһәттән синыф етәкселәре ҙур әүҙемлек күрһәтте.
Ниһайәт, мәктәптә икенсе дәрес бөтөп, көслө ҡыңғырау сыңы бөтәбеҙҙе тантаналы линейкаға йыйҙы. Бөгөн акцияға йомғаҡ яһаласаҡ. Уҡыусыларҙың иң-иңдәре, өс ай буйы тырышып-тырмашып, былай ҙа самалы ваҡыттарын әрәм итмәй, өйгә бирелгән эште ваҡытында башҡарып, үҙ портфолиоларына тағы бер Почёт грамотаһы өҫтәйәсәк. Бер-бер артлы сығып, Маҡтау ҡағыҙҙарын алған ҡыҙҙар, малайҙарҙың йөҙҙәре яҙ ҡояшы кеүек балҡыны.
9 Май – Еңеү көнө. Беҙ яу яландарында һәләк булған һәм һуғышта ҡатнашҡан атай-олатайҙарыбыҙҙың иҫтәлеген ҡәҙерләп һаҡларға тейешбеҙ. Шулай уҡ фронт өсөн заводтарҙа снарядтар эшләгән, колхоз баҫыуҙарында иген үҫтергән, фронт өсөн һөт, йомортҡа етештергән тыл ветерандарын да оноторға хаҡыбыҙ юҡ.
Һуғышта ҡатнашҡан яугирҙарыбыҙҙың исемдәрен, батырлыҡтарын хөрмәтләп иҫкә алайыҡ. Улар иҫтәлегенә сәскәләр, ағастар ултыртырға, парктар булдырырға, һалдат ҡәберҙәрен тәртиптә тоторға бурыслы беҙ.
Гөлназ ТИМЕРБАЕВА, өлкән вожатый.
Хәйбулла районы, Татырүҙәк мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж