+12 °С
Ямғыр
Бөтә яңылыҡтар
Туҡһан туғыҙ йәшлек олатай
Бер көн өләсәйем миңә шиғыр тотторҙо ла ятларға ҡушты. Авторы – Уйылдан Шәрипов, тип яҙылған. Мин уның кемлеген һорағас:– Осрашыуға барғас, күрерһең, – тине.
Шиғырҙы ятлап, был көндө түҙемһеҙләнеп көтөп алдым. Осрашыуға гимназиябыҙҙың I «А» синыфы уҡыусылары менән бергә барҙым. Беҙҙе өйҙәрендә Уйылдан бабай менән Хәфиҙә әбей ихлас ҡаршы алды. Олатай барыбыҙҙы ла теҙеп ултыртты һәм үҙенең үткән ғүмерен һөйләне.
Ул Сәйетбаба ауылында тыуып үҫкән, шундағы мәктәптә уҡыған. Бөйөк Ватан һуғышына 1942 йылда алына. Яуҙа 219-сы Идрица дивизияһы составында ҡатнаша. «Һуғышта немецтар менән күҙмә-күҙ осрашырға һәм уларҙы тар-мар итергә тура килде. Үҙем өсөн дә, атайым өсөн дә, илем өсөн дә үс алдым», – ти ветеран. Уйылдан бабай өс тапҡыр яралана. Һуңғыһы ауыр яра була, шуға ул ҡабат һуғышҡа керә алмай. Ярты йыл госпиталдә дауалана. Шунан тыуған ауылына әйләнеп ҡайта.
Өйҙә тик ятмай, шунда уҡ эшкә сыға. Сөнки ауылда ирҙәр ҡулы етешмәгән.
Олатайҙың бөтә эш стажы – 54 йыл. Әле уға – 99 йәш. Үҙе һаман да көслө, дәртле, һалдат кеүек. «Миңә һаулығымды һаҡларға кәрәк. Оҙаҡламай – Еңеүҙең 75 йыллығы! Мин парадта ҡатнашырға тейешмен!» – тип белдерҙе Уйылдан бабай. Беҙгә ул ошондай нәсихәт бирҙе: «Тыуған илде, әсәйҙе һәм үҙ телегеҙҙе яратығыҙ!»
Уйылдан олатай ауыр һуғыш һәм хеҙмәт юлы үткән ветеран ғына түгел, ижади күңелле шағир ҙа икән. 21 китап авторы ла. Ул минең өләсәйем Гөлшат Әкрәм ҡыҙы Вәлиеваға, тәрбиәсе Айгөл Рауил ҡыҙы Ғәлимоваға һәм директорыбыҙ Гөлсөм Мөбәрәк ҡыҙы Монасиповаға яңы сыҡҡан китабын бүләк итте.
Миңә был осрашыу оҡшаны, сөнки районыбыҙҙың тағы бер арҙаҡлы кешеһе менән таныштым.
Тимур МИРХӘЙҘӘРОВ, III синыф уҡыусыһы.
Ғафури районы, Красноусол башҡорт интернат-гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж