-3 °С
Ҡар
Бөтә яңылыҡтар
Генералдың "Алтын йондоҙ"о ҡайтты
2020 йылдың 30 мартында Рәсәй Президенты Владимир Путин 112-се Башҡорт кавалерия дивизияһы командиры Миңлеғәле Шайморатовҡа Рәсәй Геройы исемен биреү тураһындағы указға ҡул ҡуйғайны. Легендар генерал Советтар Союзы Геройы исеменә лайыҡ булған 78 яуҙашы менән бергә үҙенең лайыҡлы урынын алды.
Был ваҡиғаны Башҡортостандың нисә быуын халҡы күпме йылдар буйы көтөп алды. Беҙ генәме һуң? Генерал һәләк булған Луганск Халыҡ Республикаһында ла батыр яҡташыбыҙҙы ныҡ хөрмәт итәләр.
9 майҙа Рәсәй Геройы Миңлеғәле Шайморатовтың «Алтын Йондоҙ» миҙалын Мәскәүҙән Өфөгә алып килделәр. Был тарихи ваҡиғаны Башҡортостан юлдаш телевидениеһы башынан аҙағынаса тура эфирҙан күрһәтте. Әле YouTube каналында ла ҡарарға мөмкин. Өфө аэропортынан ҡаршы алып, хәрби кортежда Өфө урамдары буйлап үтеп, Совет майҙанында туҡталдылар. Әйткәндәй, 1942 йылда генерал Башҡорт кавалерия дивизияһы менән ошонан фронтҡа киткән, ошонда уҡ уға һәйкәл ҡуйырға планлаштыралар.
Награда Башҡортостан Башлығы Радий Хәбировҡа тапшырылғас, республика етәксеһе Еңеү көнө айҡанлы ҡотлау телмәре менән сығыш яһаны. «Әлеге ҡатмарлы ваҡытта яҡташыбыҙға үлгәндән һуң Рәсәй Геройы исеме бирелеүе – уның шәхесенә ҡарата иң ҙур хөрмәттең сағылышы», – тине ул. Һәләк булған яугирҙарҙы иҫкә алып, бер минут тынлыҡ иғлан ителде.
Шайморатовтың «Алтын Йондоҙ» миҙалы Башҡортостан Республикаһының Милли музейына һаҡлауға ҡуйылды. Уны теләгән һәр беребеҙ барып күреп, ғорурлана аласаҡ.
Бөйөк Еңеүҙең 75 йыллығын үҙизоляция режимында өйҙәрҙә, парадһыҙ ғына үткәреп ебәрҙек. Әммә иң изге байрамыбыҙ айҡанлы күпләп ойошторолған саралар еңеү өсөн йәнен аямай көрәшкән совет халҡы, ветеран олатай-өләсәйҙәребеҙ, һуғыш осоро балалары тураһында күберәк белергә, улар тураһында яңы мәғлүмәттәр эҙләп табырға саҡырҙы. Онлайн режимда был көндәрҙәге иң популяр йыр – «Еңеү көнө»н дә күмәкләшеп башҡарҙыҡ.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж