-25 °С
Болотло
Бөтә яңылыҡтар
Шакирйән Мөхәмәтйәнов менән бергә уйнап үҫкән
Минең яугир ҡарт олатайым Фуат Ғилмитдин улы Әсәҙуллин Учалы районы Ҡунаҡбай ауылында тыуған. Ошо уҡ ауыл мәктәбендә ете синыфты тамамлай. Ул Шакирйән Мөхәмәтйәнов менән бергә уйнап үҫкән.
Унан бер йәшкә генә бәләкәсерәк булған. Александр Матросовтың Шакирйән Мөхәмәтйәнов булыуын иҫбатлау, уның биографияһын асыҡлау буйынса иң ҙур эш алып барған кешеләрҙең береһе. Әгәр ҙә ул башлап, аҙағына тиклем әүҙемлек күрһәтмәһә, бәлки, беҙ геройыбыҙҙың үҙебеҙҙең ауылдан сыҡҡанын белмәҫ инек.
Ҡарт олатайым минең өсөн герой, ҡаһарман. Ул – ике тапҡыр I һәм III дәрәжәләге Дан ордендары кавалеры. Һуғышҡа 1943 йылдың 9 ғинуарында алына. Был ваҡытта уға 17 генә йәш була. 1943 йылдың 31 декабрендә Ҡыҙыл байраҡлы Суворов һәм Богдан Хмельницкий орденлы 57-се гвардия уҡсылар дивизияһы төҙөлә. Ҡарт олатайым 172-се гвардия уҡсылар полкының составында һуғыша. Ул дошман менән миномётсы булып алышҡан. 1944 йылда фронтта коммунистар партияһына ингән. Ҡаты һуғыштарҙа бер нисә тапҡыр яралана. Беҙҙең илебеҙҙең азатлығы, яҡты киләсәгебеҙ өсөн 3 мең саҡрымлап һуғыш юлын үткән ул.
Бөйөк Еңеүҙе Берлинда, Рейхстагтан 200 метр алыҫлыҡта, ҡаршы алған. 1950 йылға тиклем Германияла беҙҙең хәрби частарҙа хеҙмәт итә. Бында Фуат олатайым парторг була, йәш һалдаттарҙа Тыуған илгә һөйөү тәрбиәләгән, «Дивизияның батыр һуғыш юлы» стенды менән дә таныштырған. Олатайым һуғыштан һуң ете йыл әрме хеҙмәтендә булған.
Тыуған яҡтарына ҡайтҡас, ҡарт өләсәйем Кашифа Шәйәхмәт ҡыҙы менән ете бала үҫтергән. Өләсәйем уҡытыусы булып эшләй, ә Фуат олатайым колхозда төҙөлөш бригадаһы етәксеһе, фермала, артабан хужалыҡ эштәре буйынса мөдир булған. Уны иптәштәр суды, ревкомиссия рәйесе итеп тә һайлағандар. Ҡарт олатайымдың тормош юлы һоҡланғыс һәм ул миңә өлгө булып тора. Киләсәктә бер ҡасан да уның рухына тап төшөрмәҫмен.
Данияр ӘСӘҘУЛЛИН, VI синыф уҡыусыһы.
Учалы районы, Учалы ауылындағы башҡорт гимназияһы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89991334462.
Электрон почта
Адресы
450079, г. Уфа, ул. 50-летия Октября, 13, 8-й этаж