+12 °С
Ямғыр
Бөтә яңылыҡтар
Рауил Бикбаев ижадына арнап
Башҡортостан! Таштар сәскә атаТаңғы елдәреңдең наҙынан.Күгеңдәге һанһыҙ йондоҙ кеүек,Ҡатламдарың тулы хазина.
Байрам бит ул – һауаларың һулап,
Һуҡмағыңдан тик бер үтеүҙәр.
Ниндәй бәхет, ниндәй сикһеҙ бәхет –
Ошо ерҙә тыуып үҫеүҙәр!
Ошондай йөрәккә үтеп инерлек һүҙҙәр менән асылды кисәбеҙ. Уны Башҡорт теле йылы уңайынан Талбазы үҙәк китапханаһы хеҙмәткәрҙәре Гөлназ Мөнир ҡыҙы Әхмәтйәнова менән Гөлнур Миҙхәт ҡыҙы Зәлиловалар ойошторҙо. Бында килеүсе VI «Б» синыфы уҡыусылары халыҡ шағиры Рауил Бикбаевтың ижады менән танышты. Алып барыусылар Башҡортостандың гимнын да тыңларға тәҡдим итте, сөнки уның һүҙҙәрен бөйөк шағирыбыҙ яҙған бит!
Кисәлә Рауил Бикбаев шиғриәтендә халыҡ яҙмышына бәйле проблемалар күтәрелеүе, заман, ил, халыҡ, тәбиғәт, киләсәк алдында яуаплылыҡ тураһында һүҙ барҙы. «Һыуһаным, һыуҙар бирегеҙ!» поэмаһы, «Башҡортостан бында башлана», «Тауҙар», «Бөрйән ҡарағайҙары» кеүек шиғырҙары уҡылды.
Рауил Бикбаев – күренекле әҙәбиәт ғалимы, филология фәндәре докторы, профессор. Хәҙерге башҡорт шиғриәтенең үҫеү проблемаларына арналған күп ғилми хеҙмәттәр авторы. Башҡортостандың халыҡ шағиры, күренекле йәмәғәт эшмәкәре, Салауат Юлаев исемендәге дәүләт премияһы лауреаты, бер нисә орден-миҙалдар кавалеры булыуын да иҫкә төшөрөп үттеләр. Шулай уҡ уҡыусылар өсөн Рауил Бикбаевтың китаптарынан күргәҙмә лә ойошторолғайны.
Ҡыҙҙар һәм малайҙар осрашыуҙан дәрт-дарман, илһам алып, был кисәне ойоштороусыларға оло рәхмәттәрен әйтеп, иҫтәлеккә фотоға төшөп, күңелдәре булып таралышты.
Рәйсә ИСЛАМҒОЛОВА,
башҡорт теле һәм әҙәбиәте уҡытыусыһы.
Ауырғазы районы,
Талбазы лицейы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж