0 °С
Болотло
Бөтә яңылыҡтар
Күңелле каникул көндәре
Уҡыусыларҙың көҙгө каникулы быйыл иртәрәк башланды. Тимәк, күберәк ял итәһегеҙ инде. Тик үҙегеҙҙе һаҡлап ҡына йөрөгөҙ. Каникулығыҙҙа ишек алдында саф һауала күберәк йөрөргә тырышығыҙ, өйҙә ярҙамлашып та атай-әсәйҙәрегеҙҙе ҡыуандырығыҙ.
Ана, Ғафури районы Красноусолдағы Нияз Мәжитов исемендәге башҡорт интернат-гимназияһының III «Б» синыфы уҡыусыларынан өлгө алығыҙ. Бәләкәй булыуҙарына ҡарамаҫтан, яҡындарының ҙур ярҙамсылары улар. Уҡытыусылары Айгөл Фәрит ҡыҙы Ғәлләмова һәм тәрбиәселәре Айгөл Марс ҡыҙы Рәхимова ла үҙҙәрен маҡтап бөтә алмай.
– Әсәйемә салат эшләргә ярҙамлашам. Атайым менән баҡса таҙартабыҙ, утын да ташыйым, – ти Ынйы Ваһапова.
Диана Кәлимуллина өләсәһе менән ҡоймаҡ ҡойорға бик ярата.
– Каникулды файҙалы итеп үткәрергә кәрәк, – ти уңған ҡыҙ.
Айгиз Бикбулатов каникулда һеңлеһе Айсель менән тутыйғоштарын ҡарай, бергәләп китап уҡыйҙар, көҙгө япраҡтарҙы йыйып, гербарий эшләп тә ҡуйғандар. Азалиә Ғәлимова күп ваҡытын ҡул эштәренә, һүрәт төшөрөүгә бүлә. Үҙе уйлап төрлө әйберҙәр ҙә яһай. Азалиә Иҙрисова бүлмә гөлдәрен ҡарарға әүәҫ. Инсаф Исмәғилев уҡырға бик ярата, ял ваҡытында төрлө китаптар уҡып ҡалырға теләй.
– Апайым менән тышта ла уйнайбыҙ. Китаптарҙы ла күп уҡырға тырышасаҡмын, – ти Самира Шәмсетдинова ла.
Динара Юнысова уҡыу йылын тик «бишле»гә генә тамамлаған. Өйҙә ата-әсәһенә туғанын ҡарарға ярҙамлаша.
Әле каникулдың башы ғына. Ҡалған ял көндәрен дә файҙалы итеп үткәрергә яҙһын һеҙгә, балалар!
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж