-9 °С
Болотло
Бөтә яңылыҡтар
Туған телгә лә һөйөү тәрбиәләйбеҙ
Беҙҙең балалар баҡсаһы балаларҙың һаулығын хәстәрләү менән бергә башҡорт теленә һөйөү, ихтирам да тәрбиәләй. Тәрбиәселәр төрлө уйындар, шиғырҙар, әкиәттәр ярҙамында кескәйҙәрҙә телебеҙгә ҡарата ҡыҙыҡһыныу уята.Беҙҙә төрлө түңәрәктәр эшләп килә. Ҡыҙҙар һәм малайҙар һүрәт төшөрөп, милли биҙәктәрҙе өйрәнһә, йыр-бейеү башҡорт халҡының моңон, бейеү хәрәкәттәренең ритмын аңларға ярҙам итә.
Ә әкиәт аша ауыҙ-тел ижадын өйрәнеү, телмәр үҫтереү маҡсат итеп ҡуйыла. Ҡыҙыҡһыныу, ихтирам тәрбиәләү, телде өйрәнеүгә теләк уятыу ата-әсәләрҙең һәм тәрбиәселәрҙең дә төп бурысы булып тора.
Быйыл балалар баҡсабыҙ 30 баланы мәктәпкә оҙатты. Был һан, бәлки, күп тә булып күренмәйҙер. Әммә төптәнерәк уйлап ҡараһаң, ҙур тәрбиә-уҡытыу эше күрһәткесе. Ошо балаларҙы ике йәштән алып мәктәпкә тиклем еткерҙек. Ҡалаҡ тотоп ашарға, кейенеп-сисенергә, бер-береһе менән аралашырға, дуҫ булырға, дәрестә тыныс ултырырға, дөрөҫ, тулы мәғәнәле итеп яуап бирергә, кәрәк саҡта бер-береһенә ярҙам ҡулы һуҙырға ла өйрәттек.
Мин ошо балалар менән уртансылар төркөмөндә театр түңәрәген дә башлап ебәргәйнем. Башта бик иғтибарһыҙ булһалар ҙа, аҙаҡ бергәләп «Шалҡан» әкиәтен ҡуйғас, бик дәртләнеп киттеләр. Улар менән «Ҡуяндың өйө», «Кәзә бәрәстәре һәм Бүре», «Тирмәкәй», «Түңәрәк икмәк», «Ҡаҙҙар – аҡ ҡоштар»ҙы ла башҡорт телендә сәхнәләштерҙек. Һәр бала үҙ ролен бик теләп башҡарҙы. Театр түңәрәге биш йыл эшләү осоронда беҙҙең Лилиә Ғәбитова «Һаумы, һаумы, әкиәт!» конкурсында төрлө дипломдарға, грамоталарға лайыҡ булды. Шулай уҡ Карнелия Айбашева, Сыңғыҙ Хисмәтуллин, Айгөл Фәйзрахманова, Юлиә Рәхимғолова һәм ошо «Йондоҙсоҡтар» төркөмө республика методик берекмәһенә килгән тәрбиәселәр алдында асыҡ дәрестәр күрһәтеп, балалар баҡсаһының данын күтәрҙе.
Беҙҙең һәр бер башланғыстың башында мөдиребеҙ Земфира Рәшит ҡыҙы Хәсәнова һәм өлкән тәрбиәсе-методист Әлмира Фәрит ҡыҙы Шәмсетдинова тора. Уларға ниндәй генә һорау менән мөрәжәғәт итһәң дә, ҡанатландырып, ярҙам ҡулы һуҙырға әҙерҙәр.
Беҙ, тәрбиәселәр, балаларҙы мәктәпкә әҙерләп кенә ҡалмайбыҙ, уларҙы үҙ-үҙенә ышанған, төрлө хәлдәрҙән дә дөрөҫ сыға белгән, Башҡортостаныбыҙ менән ғорурланған шәхес итеп тәрбиәләп сығарырға тырышабыҙ.
Сулпан ИШМӘТОВА,
152-се башҡорт балалар баҡсаһы тәрбиәсеһе.
Өфө ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж