Бөтә яңылыҡтар
Ғаилә усағы
17 Апрель 2020, 13:29

Бер үҙенә – туғыҙ бала

«Һәр бала үҙ бәхете менән донъяға килә», тиҙәр халыҡта. Әсәй кеше булараҡ, Альбина Рахманбердыева ла шулай уйлай.


Ул-ҡыҙҙарына ла күҙ теймәһен инде, бигерәк аҡыллылар! Өлкән ҡыҙҙары Эльвира алты йыл дауамында Фәйем Ғайсин етәкләгән «Самурай» каратэ клубы­ның киокушинкай секцияһына йөрөй. Уның район, рес­публика кимәлендәге уңыштары һанап бөткөһөҙ. Ә ин­де Мәскәү ҡалаһында уҙғарылған Бөтә Рәсәй ярышында өсөнсө урын алып ҡайтыуы үҙе, ғаиләһе өсөн дә бик ҙур ҡаҙаныш һәм ғорурлыҡ булған. Ҡыҙ­ҙың көслөлөгөнә, уңғанлығына синыф етәксеһе лә, синыфташтары ла хайран ҡала. Ҡусты-һеңлеләре лә уға эйәреп, өлгө алып үҫә.

Альбина балаларын кешелекле булырға, кескәйҙәргә ярҙам итер­гә, ололарҙы хөрмәтләргә, Тыуған илде, туған телде һөйөргә өйрәтә. Уның гел генә улдары, ҡыҙҙарының изгелеген күреп, бәхетле тормошта йәшәүен теләйбеҙ.


Рәйсә ИСЛАМҒОЛОВА, башҡорт теле һәм әҙәбиәте уҡытыусыһы.

Ауырғазы районы, Талбазы ауылы.
Читайте нас в