-4 °С
Болотло
Бөтә яңылыҡтар
Ғаилә усағы
15 Май 2020, 12:57
Матур төш күрҙем
Иртән күҙҙәремде астым да төшөмдө иҫләп, һикереп торҙом. Матур төш күрҙем. Миңә хәрби кейемдә тыйнаҡ һәм һөйкөмлө итеп ҡарт олатайым ҡарап тора ине. Ҡап-ҡара бөҙрә сәстәре килешле итеп таралған, сөм ҡара күҙҙәре уйсан баға. Уны шунда уҡ таныным, сөнки портреты өй түрендә эленгән. Йыл да «Үлемһеҙ полк» парадына күтәреп сығам, шулай хөрмәтемде белдерәм.
Төшөм кистән уҡып ултырған Елена Ульеваның «Һуғыш тураһында һөйләшеү» китабындағы ваҡиғаларҙы хәтерләтте. Геройҙары урынында Ғәни олатайым менән беҙ икәү инек. Ғәни Яушев үҙемде алдына ултыртып алды ла ҡосаҡлап яратып, хәлдәремде белеште. Мин дә унан Бөйөк Ватан һуғышы тураһында һораштым.
Ғәни олатайым һуғышҡа 1941 йылда киткән. Ул кавалерист булған. Батыр ҡартатайым дошмандарға ҡаршы йән аямай алышҡан. 1943 йылда Ворошиловград ҡалаһы өсөн барған ҡаты һуғышта яраланған һәм контузия алған. Туғыҙ ай буйы госпиталдә дауаланғандан һуң ул, һуғышҡа яраҡһыҙ, тип өйөнә ҡайтарып ебәрелгән. 19 йыл буйы Ғәни ҡартатайым бер ни ишетмәй ҙә, һөйләшмәй ҙә. Ул бөтәһе менән дә яҙып аңлаша. Шуға ҡарамаҫтан, үҙен ауылдаштары бик хөрмәт итә, колхозда бригадир вазифаһын йөкмәтәләр. Ышанысты аҡлай ул.
Ғәни олатайым һуғыштан һуңғы ауыр йылдарҙа ла ғаиләһен асҡа тилмертмәй. Уның «Зингер» теген машинаһы була. Шуның менән хатта тун тегә. Уға ауылдаштарынан ғына түгел, тирә-яҡтан да заказдар күп булған. Шулай аҡса эшләгән, ғаиләһен туйҙырған.
Ул бер мәл кинәт кенә ишетә, һөйләшә башлаған. «Эй, рәхәт икән дә һуң үҙ телең менән һөйләп аңлатҡас», – ти икән шатланып. Тик оҙаҡҡа булмай ҡыуанысы. Ни бары ике йыл ғына һөйләшеп ҡалған. Шулай итеп, дәһшәтле һуғыш бәләһе уны 19 йыл яфалаған. Әммә олатайым бирешмәгән. Һуғышта нисек батыр булһа, артабан да ауырыуы менән көрәшеп, һыҙланыуҙарын еңеп, яҡшы кеше булып йәшәгән.
Эх, бөгөн дә уны төшөмдә күрһәм ине… Әле һөйләшәһе һүҙҙәребеҙ бик күп бит.
Ландыш РАМАҘАНОВА, IV синыф уҡыусыһы.
Туймазы районы, Бишҡурай мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж