+12 °С
Ямғыр
Бөтә яңылыҡтар
Ғаилә усағы
17 Июль 2020, 14:45
Ике өләсәйем бар
Әсәйемдең әсәһе – минең өләсәйем хозур тәбиғәтле Ҡолғана ауылында ғүмер итә. Ул 1941 йылдың 2 июнендә Әбйәлил районының Хәмит ауылында алтынсы бала булып донъяға килгән.
Көтөп кенә алған ҡыҙға Гөлбәҙән тип исем бирәләр. Ҡыҙғанысҡа ҡаршы, 20 генә көнлөк бала, Бөйөк Ватан һуғышы башланыу сәбәпле, атайһыҙ тороп ҡала. Бала саҡтан бөтә тормош ауырлыҡтарын татып үҫкән өләсәйем сая, уңған ҡыҙ булып буй еткерә. Оҙон ҡара сәстәрен икегә үреп, сәхнәлә халыҡ йырҙарын башҡарғанын тыңлап, артист булыр был бала, тиҙәр ауылдаштары. Шулай әсәһенә ҙур ярҙамсы булып, ҡусты һәм һеңлеләрен ҡарашып, һылыу ҡыҙ ҡорона еткәс, Бөрйән районы Ҡолғана ауылы егете Хажиәхмәт Килдейәров менән сәстәрен-сәскә бәйләйҙәр. Олатайым менән 9 бала үҫтереп, әлеге көндә 28 ейән-ейәнсәре, 18 бүлә-бүләсәһе бар. Ә олатайым, ҡыҙғанысҡа ҡаршы, бөгөн беҙҙең арабыҙҙа юҡ.
Ғаиләбеҙ менән байрам һәм ял көндәрен түҙемһеҙлек менән көтөп алабыҙ һәм әсәйемдең тыуған ауылына – өләсәйем янына юлланабыҙ. Тәмле йыуаса, бишбармаҡ, хуш еҫле сәйҙәре һәм көләс йөҙө менән ҡаршы ала ул беҙҙе. Янында сәғәттәр, минуттар һиҙелмәйенсә үтә лә китә. Өләсәйем тапҡыр һүҙҙәрен, кәңәштәрен бер ваҡытта ла йәлләмәй.
Ҡулдары ла алтын үҙенең. Барған һайын төрлө-төрлө яңы ҡул эштәрен күрһәтә, ейән-ейәнсәрҙәренә ойоҡ-бейәләйҙәр бәйләй. Бер минут та буш ултырмай шул. Әсәйем дә унан ҡалышмай. Юҡҡа ғына: «Атанан күргән уҡ юнған, әсәнән күргән тун бескән», – тип әйтмәйҙәр бит.
Атайымдың әсәһе – Сәмәрә өләсәйем минең тыуған ауылым Мораҙымда Әүхәҙи олатайым менән татыу донъя көтә. Ул 1953 йылдың 29 октябрендә Ғәйниямал һәм Сабирйән Тулыбаевтарҙың ғаиләһендә өсөнсө бала булып донъяға ауаз һала. Бәләкәй саҡтан тиктормаҫ, теремек ҡыҙ уҡыуҙа ла, спортта ла һынатмай. Ҡайҙа барһа ла, гел алдынғылар рәтендә була. Олатайым менән танышып, бер ҡыҙ һәм ике малайға ғүмер биргәндәр. Оҙаҡ йылдар һатыусы булып эшләгән. Әлеге көндә дүрт ҡыҙға һәм биш малайға өләсәй. Ял көндәрем күбеһенсә уның янында үтә. Оҫта ҡуллы өләсәйемдән мин ҡорама ҡорау, башҡорт ҡатын-ҡыҙҙарының милли биҙәүесе – түшелдерек эшләү серҙәренә төшөндөм.
Уларға иҫәнлек-һаулыҡ, бәхетле ҡартлыҡ, оҙон ғүмер теләйем.
Заһиҙә МОРАТШИНА.
Бөрйән районы, Мораҙым ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж