-3 °С
Ҡар
Бөтә яңылыҡтар
Әкиәттәр
16 Декабрь 2020, 17:57
"Яңы көн" байрамы
Кис йоҡлар алдынан бәләкәс балаларҙы сабый саҡтан ҡыҙыҡлы хәл-ваҡиға, әкиәт тыңларға өйрәтһәң, улар бик оҙаҡ шул ғәҙәтте ташламаясаҡ. Сөнки әлеге заман балаһына тыуып етмәй, ҡулына гаджет тотторабыҙ ҙа үҙ эшебеҙ менән булабыҙ. Ә бына әкиәт, мауыҡтырғыс әйберҙәр һөйләп, шуға әүрәтеп баланы йоҡларға һалһаң, тәмле төштәр күреп кенә ойор. Боронғо әкиәт түгел, хәҙерге көнгә яраҡлаштырып ебәрһәң, бигерәк тә шәп. Бына Полина Ганжинаның әҫәрен уҡып ҡарағыҙ әле.
Ғәҙәти булмаған әкиәт
Бына яҙ килде. Әсе ел йәмһеҙ итеп һыҙғырып, әле булһа ҡышҡы йоҡонан сыҡмаған урманды уятырға теләп, һыҙғырып иҫеүен белде. Ҡояш та яҡтыртҡан була ла ул, тик йәйге һымаҡ нурҙары бик йылы тугел шул. Айыу балаһы урамда уйнап-һикереп йөрөнө лә дуҫы Тейенкәйгә инеп сығырға булды. Тегеһе моңһоуланып тәҙрәгә ҡарап ултыра. Ауыҙы йырыҡ Айыуҡайҙы күреп:
– Беләһеңме, миңә бик күңелһеҙ, сөнки ҡыш тиҙ генә үтте лә китте.
– Һы, ул үҙенең урынын яҙға тапшырырға тейеш инде, был бит мөғжизә! – тип сәпәкәйләп алды бәләкәс.- Тиҙҙән урман буйлап, сағыу тамсыларҙан йыйылған гөрләүектәр йүгерәсәк, ҡоштар ҙә йылы яҡтарҙан ҡайтып, күңелле йыр менән бар тирә-яҡты моңға күмәсәк. Умырзаялар ҙа баштарын ҡалҡытһа, урман бөтөнләй йәмләнеп китә бит.
– Һин мине дөрөҫ аңламаның, Айыуҡай, – тип ҡаршылашты Тейенкәй. – Яҙҙы бик яратам, тик ҡыш нығыраҡ оҡшай. Сөнки Яңы йыл алдынан ғына минең тыуған көнөм, бүләктәр алам. Бына шуға күрә ҡыш и-и-иң яратҡан миҙгелем дә инде.
– Бәй, бүләкте тик тыуған көнгә генә бирмәйҙәр ҙә инде, – тине аптырап Айыуҡай.- Кешене ҡыуандырыр өсөн тыуған көнөн генә көтөргә кәрәкмәй, бер сәбәпһеҙ сюрприз яһарға ла була бит.
– Нисек инде?
– Әйҙә, улайһа, тиктомалдан байрам ойошторайыҡ та уны “Яңы көн тыуыуы” тип атайыҡ. Белгең килһә, ундай байрамды көн дә үткәрһәң дә була.
Икенсе көн иртән иртүк Айыуҡай менән Тейенкәй дуҫтарын саҡырып, өҫтәл әҙерләне. Тәмлекәстәр менән һыйланып сәй эстеләр, матур итеп серләшеп-көлөшөп ултырҙылар ҙа, үҙ ҡулдары менән эшләгән әйберҙәрен бер-береһенә бүләк итешеп, байрамдан бик тә ҡәнәғәт ҡиәфәттә өйҙәренә таралыштылар.
– Беләһеңме, Айыуҡай, - тине Тейенкәй,- ысынлап та, һин бик тә дөрөҫ әйткәнһең. Һәр көндө үҙенсәлекле һәм ҡабатланмаҫ итеп үткәрергә була бит, уның өсөн байрамды йә тыуған көндө генә көтөп ултырмаҫҡа кәрәк.
Яңы көн тыуыу үҙе бер ҙур байрам бит. Уның һәр береһен үҙенсәлекле итеп үткәрһәң була. Бүләк биреү, хатта йылмайыу ғына - эргәлә булған туған, дуҫ-иштәрең өсөн иң яҡшы бүләк бит ул, - тине йылмайып Айыуҡай.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж