+12 °С
Ямғыр
Бөтә яңылыҡтар
Бәйгеләр
27 Сентябрь 2019, 15:34
«Сириус» һәләтлеләрҙе көтә
«Сириус» мәғариф үҙәге 2015 йылда «Һәләт һәм уңыш» фондының бағыусылар советы директоры, Рәсәй Президенты Владимир Путин ҡарары менән асыла. Дүрт йыл эсендә унда илдең төрлө төбәктәренән 31 мең уҡыусы белемен арттырған. Ай һайын 10 – 17 йәшлек 800 бала килә. «Сириус»тың маҡсаты – фән, сәнғәт, спорт буйынса һәләтле балаларҙы асыҡлау һәм артабан таланттарын үҫтерергә ярҙам итеү.
Бында дәрестәрҙе иң алдынғы физика-математика, химия-биология, спорт мәктәптәре уҡытыусылары, илдең танылған музыка, балет, һынлы сәнғәт эшмәкәрҙәре алып бара.
Программалар түләүһеҙ: юл, туҡланыу, йәшәү хаҡын «Талант һәм уңыш» мәғариф фонды түләй.
Беҙҙең республиканан да Ҡара диңгеҙ буйындағы уҡыу үҙәгенә барыусылар бихисап. Әле яңыраҡ 29 уҡыусы химия һәм инженерлыҡ буйынса бер аҙналыҡ сменала булып ҡайтты. Шуларҙың 12-һе республика инженер интернат-лицейынан ине. Әйткәндәй, был белем усағы Өфө дәүләт нефть-техник университеты менән тығыҙ бәйләнештә эшләй, уның ҡарамағындағы уҡыу йорто һанала.
«Сибур-холдинг» нефть-химия компанияһы Рәсәй ҡалаларында IX – XI синыфтар араһында конкурс ойоштороп, «Сириус»ҡа төркөм йыясағын белгәс, бәйгелә уҡыусылар күпләп ҡатнаша. Мотивацион эссе яҙалар, квест һорауҙарына яуап бирәләр. Республика инженер интернат-лицейының йәш химиктары айырыуса һәйбәт һөҙөмтә күрһәтә. Шуға ла Башҡортостан делегацияһының яртыһы тиерлек уларҙан тора. Шуларҙың береһе – X синыфтан Рамаҙан Ғәлиәкбәровтан Сочи тарафтарынан ниндәй тәьҫораттар менән ҡайтыуы тураһында һораштыҡ.
– Ә нисек «Сириус»ҡа эләгергә? – тип ҡыҙыҡһынабыҙ.
– Был мәғариф үҙәгенең сайтына (soshisirius.ru) инеп, ғариза яҙып һалырға кәрәк. Унда бөтә ҡағиҙәләр күрһәтелгән. Конкурс ҙур инде. Халыҡ-ара, Рәсәй кимәлендәге олимпиада, бәйге, ярыштарҙа еңеүселәрҙе иң беренсе сиратта алалар. Почёт грамоталарың, Маҡтау ҡағыҙҙарың күп булһа, «Сириус»ҡа эләгергә өмөтөң ҙурыраҡ.
Бына нисек икән! Ҡәҙерле дуҫтар, һеҙҙең арала ла һәләтлеләр, Рәсәй, республика кимәлендә яулаған уңыштарығыҙ бар икән, әйҙәгеҙ, бәхетегеҙҙе һынап ҡарағыҙ.
Эльвира ӘСӘҘУЛЛИНА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж