-27 °С
Болотло
TelegramТестарVKOK
Арзан хаҡҡа яҙылып ҡалайыҡ!
Бөтә яңылыҡтар
Бәйгеләр
26 Ноябрь 2020, 13:10

Иң шәп логотипты кем эшләр?

"Башҡортостандың дәүләт телдәрен һәм республика халыҡтары телдәрен яҡлау һәм үҫтереү" дәүләт программаһы 2019 - 2024 йылдарҙа тормошҡа ашырыла. Кисә Башҡортостан Республикаһының Мәғариф һәм фән министрлығы уның логотибына конкурс иғлан итте.

Программаның логотибын эшләү бәйгеһендә теләгән һәр кем ҡатнаша ала. Бер авторға өс вариант тәҡдим итергә мөмкин. Логотиптың идеяһы дәүләт телдәрен һәм республика халыҡтары телдәрен, шулай уҡ республиканан ситтә башҡорт телен яҡлауға йүнәлтелергә тейеш. Икенсенән, текстарҙы "Башҡортостан Республикаһы халыҡтары телдәре" ҡанунына яраҡлы ҡулланыу мөһим. Шулай уҡ автор үҙенең логотибының мөһимлеген һүрәтләргә тейеш.
Конкурс эштәре 11 декабргә тиклем [email protected] электрон адресына jpg һәм png форматтарында ҡабул ителә. Ҙурлығы 1500х1500 пикселдән артыҡ булмаҫҡа тейеш. Әлбиттә, исем-фамилияңды, бәйләнеш өсөн телефоныңды күрһәтеү ҙә мотлаҡ. Ә еңеүселәрҙе 14 декабрҙә бүләкләйәсәктәр.
Читайте нас в