+12 °С
Ямғыр
Бөтә яңылыҡтар
Бәйгеләр
25 Декабрь 2020, 15:20
Айлина - "Сулпылар" еңеүсеһе
2020 йылда «Тамыр» телеканалы ойошторған «Сулпылар» республика телевизион йыр-моң конкурсында Стәрлетамаҡтағы Жәлил Кейекбаев исемендәге 3-cө гимназияның V синыф уҡыусыһы Айлина Дәүләткилдина Гран-при яуланы. Уны еңеүе менән ҡотлап, үҙе тураһында һөйләүен, тәьҫораттары менән уртаҡлашыуын һораныҡ. Айлина республикала йәшәгән бөтә тиҫтерҙәренә теләктәрен дә еткерҙе.
– Биш йәштән йырлай башланым. Балалар баҡсаһына йөрөгәндә «Дан минуты» конкурсында «Әсәйемә» тигән йырҙы өс телдә – башҡортса, урыҫса, инглизсә башҡарып, Гран-при яулағайным.
Ғаиләбеҙҙә атайым гармунда уйнап, матур итеп йырлай. Уның һәләте миңә күскәндер, тип уйлайым. Эстрада, башҡорт халыҡ моңдарын тыңларға һәм башҡарырға яратам.
Ҡала мәҙәниәт һарайында «Водолей» өлгөлө эстрада йыры студияһында шөғөлләнәм. Етәксем Гүзәл Миҙхәт ҡыҙы Иҫәнбәтова ҡалала үткән «Кескәй йондоҙсоҡ» конкурсында ҡатнашырға тәҡдим иткәйне. Унда I дәрәжә диплом менән бүләкләндем. Төрлө бәйгеләрҙә ҡатнашыу бик оҡшай. Һәр ваҡыт ныҡлы әҙерләнеп, тырышып сығыш яһайым. Призлы урын яулаһам, тағы ла дәртләнеп китәм. Етәксем, атай-әсәйем, туғандарым гел ҡанатландырып тора.
Уҡыуҙа «дүртле» һәм «бишле» билдәләренә өлгәшәм. Яратҡан дәрестәрем – башҡорт теле, әҙәбиәте, урыҫ әҙәбиәте, тарих, биология. Мәктәптә үткән сараларҙа теләп ҡатнашам. Йырҙан тыш, «Торатау» халыҡ бейеүҙәре ансамбленә, театр түңәрәгенә йөрөйөм. Буш ваҡытымда әсәйемә ярҙам итәм, һүрәт төшөрәм, китап уҡыйым.
«Сулпылар» конкурсында ҡатнашыу күптәнге хыялым ине. Быйыл үҙемде һынап ҡарарға булдым. Һайлап алыу турына видео төшөрөп ебәрҙек. Беренсе турға үткәс, бик ҡыуандым. Унда «Тулай буран» йырын башҡарҙым. Икенсе турға «Урал» бәйетен алып килдем. Ныҡ тырышып әҙерләндек. Гран-при яулауымды иғлан иткәстәр, ныҡ тулҡынландым, хатта күҙҙәремә йәштәр тулды. Ҡыуанысымдың сиге булманы. Барыһына ла ҙур рәхмәт әйткем килә.
Бөтәгеҙҙе лә Яңы йыл менән ҡотлайым! Тырышып уҡығыҙ, алдығыҙға ҡуйған маҡсатығыҙға ирешегеҙ, өлкәндәрҙең кәңәштәренә ҡолаҡ һалығыҙ.
Эльвира ӘСӘҘУЛЛИНА яҙып алды.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж