Бөтә яңылыҡтар
Бәйгеләр
15 Ғинуар 2021, 10:49

Ауыр тормош хәлендә ҡалған балалар өсөн конкурс

Әхмәтзәки Вәлиди исемендәге Милли китапхана, «Хазина» хәйриә һәм мәҙәни программалар үҙәге, Дүртөйлө ҡала китапханаһы ауыр тормош хәлендә ҡалған балалар һәм үҫмерҙәр өсөн «Күңелем ҡылдары сыңлай» республика әҙәби-һынлы сәнғәт конкурсын ойоштора. Ул быйылғы Һаулыҡ һәм әүҙем оҙон ғүмерлелек йылына арнала.

Бәйгелә балалар йорттарынан, социаль приюттарҙан, интернат-йорттарҙан, коррекция үҙәктәренән 7-17 йәшлек балалар һәм үҫмерҙәр, инвалид балалар, етемдәр көсөн һынай ала.
Улар эштәрен түбәндәге номинациялар буйынса тәҡдим итә ала:
– әҙәби ижад – традицион шиғри формалар һәм бәләкәй проза әҫәрҙәре ( урыҫ, башҡорт, татар телдәрендә шиғыр, эссе, һүрәтләмә, хикәйә), шулай уҡ музыкаль оҙатыу менән автор әҫәрҙәре (йыр, романс).
— һынлы сәнғәт ижады – һынлы сәнғәт, графика, биҙәү-ҡулланма сәнғәте, һылап яһау.
Конкурс тураһында тулыраҡ ошо һылтанма буйынса белә алаһығыҙ.
Читайте нас в