+12 °С
Ямғыр
Бөтә яңылыҡтар
Беҙҙең мәктәптә
20 Ноябрь 2020, 12:50
Беҙҙә күрше өлкәләрҙән дә уҡыйҙар
Ғәзиз Әлмөхәмәтов исемендәге интернат-гимназия – республика әһәмиәтендәге музыкаль уҡыу йорто. Беҙҙә Башҡортостандың район, ҡалаларынан ғына түгел, күрше өлкәләрҙән дә балалар белем ала. Бигерәк тә Силәбенән килеп уҡыусылар күп.
Гимназияның ҙур һәм татыу коллективында 70-тән ашыу юғары һәм беренсе категориялы педагогик хеҙмәткәр, музыка белгесе эшләй. Уҡыу кабинеттары заманса технологиялар менән йыһазландырылған. Бөтә фәндәр буйынса ла уҡыусыларыбыҙ олимпиадаларҙа, төрлө конкурстарҙа, спорт ярыштарында әүҙем ҡатнаша, призлы урындар яулай.
Әлеге көндә беҙҙә 300-ҙән ашыу уҡыусы белем ала. Республикабыҙҙан ғына түгел, Силәбе, Төмән өлкәләренән, хатта Украинанан да барҙар. Бөтәһе лә татыу бер ғаилә булып, гимназия тормошо менән ҡайнап йәшәй.
Беҙҙә күрше Силәбе өлкәһенең Усть-Катав, Магнитогорск, Мейәс ҡалаларынан, Красноармейск, Арғаяш, Сосновка райондарынан бөтәһе 18 бала белем ала. Күрше төбәктән булһалар ҙа, күптәре башҡорт телен яҡшы белә, башҡорт мәҙәниәте һәм тарихын ҙур теләк менән өйрәнә.
Ниндәй шарттар Башҡортостанға уҡырға килергә сәбәпсе булды? Бында уҡыу оҡшаймы? Ниндәй уй-хыялдар менән килдегеҙ? Яңы тормошҡа яраҡлашып китеүе ауыр булдымы? Шундай һорауҙар менән Рәсәйҙең төрлө төбәктәренән килгән уҡыусыларға мөрәжәғәт иттек.
Карина ХИСАМОВА, VIII «Б» синыфы уҡыусыһы, Силәбе өлкәһе Арғаяш районынан:
– Бында беҙҙең өлкәнән күп уҡыйҙар, шуға һайланым да инде. Әсәйемдең мине бишенсе синыфтан уҡ ебәрергә уйы бар ине. Бер аҙ ҡурҡыу тойғоһо булғанға был теләгем кисектерелә килде. Хәҙер мин икенсе йыл белем алам, рәхәтләнеп башҡорт телен өйрәнәм. Тыуған яғымды бик һағынһам да, түҙәм.
Владислав ШМЫРЮК,VI «Б» синыфы уҡыусыһы, Ханты-Манси автономиялы округының Түбәнге Варта ҡалаһынан:
– Гимназия тураһында ҡасандыр ошо белем усағында химия уҡытыусыһы булып эшләгән өләсәйемдән белдек. Элек музыка менән шөғөлләнмәгәс, тәүҙә ауырға тура килде. Бында төрлө түңәрәктәргә йөрөйөм, үҙемде музыкаль яҡтан үҫтерәм. Икенсе йыл белем алам, уҡырға инеүемә бер ҙә үкенмәйем.
Әлфинур ВӘЛИЕВА, V «А» синыфы уҡыусыһы, Силәбе өлкәһе Магнитогорск ҡалаһынан:
– Гимназияла апайым уҡый, шуға мин дә бында килдем. Ауыр булһа ла, белем алыу теләге көслө, бик ҡыйын саҡтарҙа апайым ярҙамға килә. Уҡыуҙан буш ваҡытымда бейергә яратам.
– Мин бында бишенсе синыфтан белем алам. Музыка ҡоралдарында уйнарға өйрәнгем килде, шуға ла уҡырға индем. Ошондай гимназия барлығы хаҡында апайымдарҙан белдем. Бында уҡыу оҡшай. Башта тыуған йорттан сығып китеүе ауыр булды, әлбиттә. Яңы мөхиткә уҡытыусылар, тәрбиәсем ярҙамында бик тиҙ өйрәнеп киттем. Алла бойорһа, киләсәктә агроном булырға хыялланам.
Украинанан беҙҙең яҡтарға йәшәргә ҡайтып, әлеге мәлдә беҙҙә уҡып йөрөгән VIII синыф уҡыусылары, апалы-һеңлеле Елизавета һәм Мария Волохтарға ла яңы урынға, икенсе мөхиткә өйрәнеп китеүе еңелдән булманы. Шуға ҡарамаҫтан, улар тырышып белем ала, башҡорт телен өйрәнә, музыка серҙәренә төшөнә.
Мария ВОЛОХ, VIII «А» синыфы уҡыусыһы:
– Беҙ ғаиләбеҙ менән уҙған йыл Башҡортостанға күсеп ҡайттыҡ. Музыка менән шөғөлләнеү Ғәзиз Әлмөхәмәтов исемендәге интернат-гимназияға килтерҙе. Башҡортостанда беҙгә оҡшай, бында ярҙамсыл, изге күңелле халыҡ йәшәй. Гимназияла үҙеңде төрлө яҡлап үҫтереүгә шарттар булдырылған. Бында уҡыуыма бик шатмын.
Бына шундай талантлы, уңған балалар уҡый беҙҙә. Сит яҡтарҙан килеп, ата-әсәһенән алыҫта йәшәп, ҙур тормошҡа яҡты уйҙар, изге хыялдар ҡороусы уҡыусылар барлығы ҡыуандыра. Ҡаршылыҡтарға ҡарамай, улар үҙҙәрен төрлө яҡлап үҫтерә, теләгән һөнәрҙәрен үҙләштереү өҫтөндә эшләй. Күптәре башҡорт телен, әҙәбиәтен теләп өйрәнә.
Гүзәл ХОҘАЙБИРҘИНА, башҡорт теле һәм әҙәбиәте уҡытыусыһы.
Өфө ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж