+12 °С
Ямғыр
Бөтә яңылыҡтар
Беҙгә килгән хаттарҙан
8 Декабрь 2017, 00:14
«Йәшә генә, әсәй, сәләмәт бул, бәхет өсөн миңә һин кәрәк!»
Әсәйемдең исеме – Айһылыу. Ул балалар баҡсаһында тәрбиәсе булып эшләй. Аш-һыуға бик оҫта, бигерәк тә манты, ҡаҙаҡ һалмаһы, билмән, ҡоймаҡ, төрлө бәлештәрҙе тәмле бешерә. Беҙ әсәйебеҙҙе ныҡ яратабыҙ.Айтуған КИЛДЕБАЕВ.
Әсәйемдең исеме – Айһылыу. Ул балалар баҡсаһында тәрбиәсе булып эшләй. Аш-һыуға бик оҫта, бигерәк тә манты, ҡаҙаҡ һалмаһы, билмән, ҡоймаҡ, төрлө бәлештәрҙе тәмле бешерә. Беҙ әсәйебеҙҙе ныҡ яратабыҙ.
Айтуған КИЛДЕБАЕВ.
* * *
Бик матур һәм иң изге кешем – әсәйем. Уның исеме – Зифа. Әсәйем эшлекле, аш-һыуы телеңде йоторлоҡ, бәйләмдәре иҫ китерлек. Беҙҙең ғаиләлә барыһы ла ул бәйләгән йылы йөн ойоҡ һәм бейәләйҙәрҙе кейеп йөрөй.
Заһир МӨХӘМӘТОВ.
* * *
Әсәйем тау колледжында тәрбиәсе булып эшләй. Һеңлем менән икебеҙҙе бик ярата. Көн һайын тәмлекәстәр менән һыйлай. Өйгә эштәребеҙҙе әҙерләргә ярҙамлаша. Бергәләшеп кино, йәнһүрәттәр ҡарарға яратабыҙ. Әсәйем – минең кәңәшсем дә, серҙәшем дә. Ул өйҙә булмаһа, беҙгә күңелһеҙ.
Иҙелбай ИБРАҺИМОВ.
* * *
Кем беҙҙе гел иркәләй,
Унһыҙ донъябыҙ тулмай?
Әсәй! Ул – яҡты ҡояш,
Әсәй! Беҙгә – тулы ай!
Әсәй – ул атҡан сәскә,
Йылы усаҡ ул өйҙә.
Иртәндән алып кискә
Беҙ тиеп өҙгөләнә.
Сәлим ҒӨБӘЙҘУЛЛИН, V синыф уҡыусылары.
* * *
Әсәйемдең матур йылмайыуын, йылы ҡулдарын бик яратам һәм үҙен хөрмәт итәм. Һеңлем менән мине ел-ямғыр тейҙермәй үҫтереп килә. Ауыр ваҡыттарҙа һәр саҡ ярҙамға килергә әҙер, тәртипле, эшлекле булырға өйрәтә. Беҙ ҙә ҡәҙерлемдең йөҙөнә ҡыҙыллыҡ килтермәҫкә тырышабыҙ.
Илмир БОХАРБАЕВ.
* * *
Ул – беҙҙең өйҙөң ҡояшы. Әсәйем балалар баҡсаһында тәрбиәсе булып эшләй. Үҙе бик уңған, тәмле итеп бешерә, ойоҡ, бейәләйҙәр бәйләй. Беҙҙе кешеләргә ярҙамсыл, ихтирамлы, иғтибарлы булырға өйрәтә.
Эльвира БАЙҒАБУЛОВА, VI синыф уҡыусылары.
Аҡъярҙағы 2-се мәктәп.
* * *
Сулпан йондоҙ – таң йондоҙо,
Яҡтырта таңыбыҙҙы.
Әсәйем дә, шул йондоҙҙай,
Матурлай донъябыҙҙы.
Йондоҙ исемен йөрөтөп,
Нур һибә әсәкәйем.
Ул булһа һәр саҡ янымда,
Яҡтыраҡ киләсәгем.
Диләрә ҒӘББӘСОВА.
* * *
Әсәйҙең мин бәхете,
Уның менән бик рәхәт.
Булһын өсөн ул гел шат,
«Бишле»ләр алам һәр саҡ.
Нәркәс РЫЖОВА, VI синыф уҡыусылары.
* * *
Уның исеме лә матур: Рәмзәнә, үҙенә тап килеп тора. Иң матур, иң сибәр, иң һөйкөмлө, иң аҡыллы, иң яҡшы кеше ул минең әсәйем. Беҙгә – ике ҡыҙына ғүмер бүләк иткән һәм һәр беребеҙгә мәғәнәле мосолман исемдәрен ҡушҡан. Әсәкәйебеҙҙең һөйөү тулы күҙҙәре, аҡыллы кәңәштәре тормошобоҙҙа дөрөҫ юл күрһәтеп кенә тора.
Ҡарт өләсәйем Фәрзәнә һымаҡ, ул да – ейәнсәренә мәрхәмәтле, яҡты күңелле өләсәй. Райхана апайым да, мин дә әсәйебеҙҙең йөрәк йылыһын, ҡулдарының шифаһын тоябыҙ.
Мәҙинә АҠЫЛОВА, VIII синыф уҡыусыһы.
Әбүбәкер мәктәбе, Хәйбулла районы.
* * *
Ҡәҙерлем ашнаҡсы булып эшләй. Үҙе бик тә егәрле. Ял көндәре беҙҙе тәмлекәстәр менән һыйлай. Мин дә уға оҡшарға тырышам. Ярҙам булһын тип, һауыт-һаба, иҙән йыуам, гөлдәргә һыу һибәм. Әсәйем – шул тиклем изге күңелле, алсаҡ һәм мәрхәмәтле кеше. Өйгә үҙен һағынып ҡайтам.
Эльвина АБЗАЛОВА.
Өфө ҡалаһы, Ғәзиз Әлмөхәмәтов исемендәге республика интернат-гимназияһы.
* * *
Беҙгә ғүмер биргән, тормошто дауам иттереүсе, быуындарҙы бәйләүсе илаһи зат һин, әсәйем! Бала саҡта, төн йоҡоларың ҡалдырып, бишек тирбәткән, илағанда ҡайнар ҡосағыңа алып йыуатҡан, аҡты – ҡаранан, ҡараны аҡтан айырырға өйрәткән изге йән дә һин. Әлегеләй ҡояш кеүек мәңге балҡып, тормошобоҙҙо йәмләп йәшә, ҡәҙерлем!
Вилена ВӘЛШИНА, VII синыф уҡыусыһы.
Өфө ҡалаһы, Рәми Ғарипов исемендәге 1-се республика башҡорт интернат-гимназияһы.
* * *
Ғәзиздәрҙән-ғәзиз кешем,
Әлдә һин бар әсәйем.
Һиңә оҡшарға тырышып,
Фәһем алып йәшәйем.
Өйрәтәһең тик яҡшыға,
Тырыш, уңған булырға.
Ауырлыҡтар килеп тыуһа,
Түҙем, сабыр булырға.
Зәлиә АЛТЫНБАЕВА.
* * *
Әсәйҙәр көнөнә арналған «Әсәләр нур сәсәләр» исемле концертты алтынсылар моңло йыр менән башлап ебәрҙе. Һәр сығышта тиерлек был изге заттарҙың бөйөклөгө, балаға булған һөйөүе сағылды. «Азамат» өлгөлө бейеү ансамбле башҡарыуында «Байрам», «Башҡортостан-гөлбостан», «Һылыуҡай» бейеүҙәре яҡындарыбыҙҙың күңелен тағы ла күтәреп ебәрҙе. Бәләкәй генә булыуҙарына ҡарамаҫтан, башланғыс синыфтар сәхнәлә үҙҙәрен иркен тотоп, йыр-бейеүҙәре менән ҡыуандырҙы. Матур кисәбеҙ күмәкләшеп «Гүзәл тыуған еребеҙ» исемле йыр менән тамамланды.
Сәлимә ДӘҮЛӘТШИНА, VIII синыф уҡыусыһы.
Байназар мәктәбе.
* * *
Ябалаҡлап ҡарҙар яуҙы,
Ергә яңы көн тыуҙы.
Яңы тыуған сабыйына
Йәш әсә ҡулын һуҙҙы.
Ә бәпесе көтмәгәндә
Яҡынына йылмайҙы.
Әсә кеше балҡып китте,
Шунан ҙур бәхет бармы?
Алина МӘХМҮТОВА.
Әбделмәмбәт ауылы.
* * *
Ауыр булған саҡтарҙа ла
Әсәй минең янымда.
Иңдәренә башым һалам,
Иркәләсе тағын да.
Әлиә АЙЫТБАЕВА.
Ҡолғана ауылы, Бөрйән районы.
* * *
Ҡәҙерле әсәкәйемдең
Нурҙай балҡый йөҙҙәре.
Яратып һәм наҙлап баға
Һөйөү тулы күҙҙәре.
Сулпан ЯЛМАНБӘЙЕТОВА.
Ниғәмәт мәктәбе.
* * *
Ауыр саҡта еңел булып китә
Һинең әйткән йылы һүҙеңдән.
Рәхмәт, әсәй, барыһы өсөн дә,
Нур һибелһен һәр саҡ йөҙөңдән.
Айсулпан МӨХӘМӘТЙӘНОВА.
Билал мәктәбе.
* * *
Тышта буран, ә мин өйҙә
Көтәмен әсәйемде.
Хәҙер эштән арып ҡайтыр,
Ҡайнатайым сәйемде.
Көтәм...Көтәм... Әсәйем юҡ...
Самауыр күптән әҙер.
Иҙәндәр ҙә һеперелгән,
Ҡайтып инер ул хәҙер.
Азалиә КАМАЛОВА, VII синыф уҡыусыһы.
Өмөтбай мәктәбе, Баймаҡ районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж