+12 °С
Ямғыр
Бөтә яңылыҡтар
Беҙгә килгән хаттарҙан
19 Ғинуар 2018, 17:39
Каникулда рәхәт икән!
Тәбиғәттә барлыҡ күренештәр ҙә яйға һалынған. Йыл миҙгелдәре бер-береһен алыштырып, һәр саҡ ысын хужа булып хөкөм итә. Алтын көҙгә алмашҡа һалҡын, буранлы, мөғжизәләргә бай ҡыш айҙары килә. Мин был миҙгелде гел түҙемһеҙлек менән көтөп алам. Ни өсөн, тиһегеҙме? Каникул өсөн генә, тип уйламағыҙ. Уныһы ла мөһим, әлбиттә. Беренсе сиратта, ҡышты мөғжизәләр ваҡыты булғанға яратам.
Тәбиғәттә барлыҡ күренештәр ҙә яйға һалынған. Йыл миҙгелдәре бер-береһен алыштырып, һәр саҡ ысын хужа булып хөкөм итә. Алтын көҙгә алмашҡа һалҡын, буранлы, мөғжизәләргә бай ҡыш айҙары килә. Мин был миҙгелде гел түҙемһеҙлек менән көтөп алам. Ни өсөн, тиһегеҙме? Каникул өсөн генә, тип уйламағыҙ. Уныһы ла мөһим, әлбиттә. Беренсе сиратта, ҡышты мөғжизәләр ваҡыты булғанға яратам.
Яңы йылды ҡаршылау беҙҙең гимназияла бик күңелле үтте. Ҡыш бабай менән Ҡарһылыуға төрлө йырҙар, бейеүҙәр аша үҙебеҙҙең оҫталыҡты күрһәттек. Улар менән бергә күңел астыҡ, уйнаныҡ. Һәр ҡайһыбыҙға бүләк өләштеләр.
Уҡыу сиреген тик «бишле» билдәләренә генә тамамлап, мин каникулды яҡшы кәйеф менән башлап ебәрҙем. Яңы йылды ғаиләбеҙ менән ҡаршы алдыҡ. Үҙәк майҙанға барып тау шыуҙыҡ, концерт, салют ҡараныҡ. Сәғәт ун икене һуҡҡанда бер-беребеҙгә изге теләктәр әйттек. Йоҡонан тороуға беҙҙе шыршы аҫтында бүләктәр көтә ине. Мин бик тә шатландым, сөнки теләгем ҡабул булды.
Каникулдың беренсе аҙнаһы өләсәйем янында ҡунаҡта үтте. Ауылда рәхәтләнеп тауҙа шыуҙыҡ, урманға сәйәхәткә барҙыҡ. Тәбиғәттең матурлығына һоҡланып, ғорурланып ҡайттыҡ. Ҡунаҡта, тигәс тә, мин гел уйнап ҡына йөрөмәнем. Апайҙарым менән өйҙө йыйыштырҙыҡ, келәмдәрҙе таҙарттыҡ, аш бүлмәһендә лә булыштым. Китап уҡырға ла ваҡыт таптым. Ә кистәрен туғандарым менән шашка, шахмат уйнаныҡ, өлкәндәр өсөн концерт ҡуйҙыҡ. Икенсе аҙнаны Үрге Йәркәйҙә үткәрҙем. Күрше ҡыҙҙары менән саңғыла, тимераяҡта шыуҙыҡ, саф һауала туйғансы уйнаныҡ. Бассейнға һыу инергә йөрөнөк.
Каникул бик күңелле һәм ҡыҙыҡлы уҙҙы. Барыһына ла шуны әйткем килә: саф һауала уйнағыҙ, тәнегеҙҙе сыныҡтырығыҙ, матур хис-тойғолар менән күңелегеҙҙе байытығыҙ. Һау-сәләмәт булайыҡ!
Азалиә ИСРАФИЛОВА, III синыф уҡыусыһы.
Илеш районы, Үрге Йәркәйҙәге 1-се гимназия.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж