+9 °С
Болотло
TelegramVKOKTikTok
Бөтә яңылыҡтар

Мажаралы «Илсе ҡыҙы»

Әнүәр Бикчәнтәев балалар өсөн матур әҫәрҙәр яҙып ҡалдырған күренекле яҙыусы. Уның бик күп хикәйәләре, повестары, романдары бар. «Нисә йәш һиңә, комиссар?», «Ҡариҙел тулҡындары», «Бөркөт һауала үлә» тигән хикәйәләрен беләм. Ә минең күңелгә айырыуса «Илсе ҡыҙы» тигән әҫәре яҡын.

Әнүәр Бикчәнтәев балалар өсөн матур әҫәрҙәр яҙып ҡалдырған күренекле яҙыусы. Уның бик күп хикәйәләре, повестары, романдары бар. «Нисә йәш һиңә, комиссар?», «Ҡариҙел тулҡындары», «Бөркөт һауала үлә» тигән хикәйәләрен беләм. Ә минең күңелгә айырыуса «Илсе ҡыҙы» тигән әҫәре яҡын.
Билдәле яҙыусының тыуыуына 105 йыл тулыуға арнап, беҙҙең синыфта, «Бикчәнтәев уҡыу­ҙары» республика акцияһы сиктәрендә, китапханасы Рәхимә Мусина «Илсе ҡы­ҙы» повесы буйынса «Һин­достанда Шәүрә һәм Муса менән бергә» тигән бик матур сара уҙғарҙы.
Беренсе дәрестә повес­тан өҙөктәрҙе ҡысҡырып уҡыу ойошторолдо. Беҙгә ундағы геройҙарҙың Һиндостан джунглиһында бул­ған мажаралары бик оҡшаны. Шәүрә, Муса, Лал-Лас урынында булһаҡ, нимә эшләр инек, тип әңгәмә ҡорҙоҡ. Өйгә эш итеп, «Илсе ҡыҙы» повесы буйынса инша яҙырға йәки һүрәт төшөрөргә бирелде.
Икенсе көндө иһә иншаларҙан өҙөк уҡыныҡ, һүрәттәребеҙҙе ҡараныҡ. Китапханасы Рәхимә Мөхөтдин ҡыҙы акция өсөн генә тәғәйенләп Әнүәр Бикчәнтәев төшөрөлгән Маҡтау ҡағыҙы әҙерләп килтергән ине.
Азалиә Ғәлина, Нурмөхәмәт Дарманов, Раксана Ҡужәхмәтоваларҙың ижади эштәре бигерәк шәп килеп сыҡҡайны. Айзилә Сафуанова, Илназ Ғайсин, Рифат Сәйетғәлин, Инйәр Зәйнуллин, Әҙилә Ғәлиуллина, Эльвира Ғә­лиас­танова, Дияр Илья­сов, Алина Хәмзиналар­ҙың һүрәттәре лә һоҡлан­ғыс ине.
Тәмлекәстәр менән дә һыйланылар беҙҙе. Әҫәр буйынса викторина уҙғарылды. Һорауҙарға бөтәбеҙ ҙә ихлас яуап бирҙек.
Синыфыбыҙҙа повесты тулыһынса уҡыу теләге уянды. Был әҫәр, ысынлап та, кешене изгелеккә, ауыр хәлдән нисек ҡотолорға, дөрөҫ юл табырға өйрәтә.
Рәхимә Мөхөтдин ҡы­ҙына синыфыбыҙ һәм баш­ҡорт теле уҡытыу­сыһы Римма Фәйзулла ҡыҙы Баймырҙина исеменән фәһемле дәрес өсөн рәхмәтебеҙҙе еткерәбеҙ.
Тиҫтерҙәремдең барыһына ла был повестыуҡып сығырға кәңәш итәм.

Ралина МОСТАФИНА, VI «Б» синыфы уҡыусыһы.

Әбйәлил районы, Асҡарҙағы Таһир Күсимов исемендәге гимназия.
Читайте нас в