+30 °С
Болотло
Бөтә яңылыҡтар
Беҙгә килгән хаттарҙан
23 Ноябрь 2018, 14:39
Шағирәне осрашыуға саҡырҙыҡ
Гимназиябыҙға билдәле шағирә, Башҡортостандың атҡаҙанған матбуғат һәм киң мәғлүмәт хеҙмәткәре Әлфиә Әсәҙуллинаны осрашыуға саҡырҙыҡ. Ул үҙенең бала сағы, мәктәп йылдары, тәүге ижад емештәре хаҡында бик тәфсирләп һөйләне.
Гимназиябыҙға билдәле шағирә, Башҡортостандың атҡаҙанған матбуғат һәм киң мәғлүмәт хеҙмәткәре Әлфиә Әсәҙуллинаны осрашыуға саҡырҙыҡ. Ул үҙенең бала сағы, мәктәп йылдары, тәүге ижад емештәре хаҡында бик тәфсирләп һөйләне.
Әлфиә апайҙың «Ҡояшҡа таж кейҙерәм» исемле китабы уҡыусыларға таныш инде, ҡулдан-ҡулға йөрөтөп уҡыйҙар. Балалар күңеленә ятышлы, еңел һәм тәрбиәүи көскә эйә шул әҫәрҙәре.
II «А» һәм III «А» синыфы уҡыусылары донъяны танып белергә, тыуған еребеҙҙе яратырға, беҙҙе уратып алған хозур тәбиғәтебеҙгә һаҡсыл булырға өйрәткән шиғырҙарын яттан һөйләп ишеттерҙе. Ә «Берҙәмлектең аждаһаны еңгәне» әкиәтен сәхнәләштереп, үҙҙәренең артислыҡ һәләттәрен күрһәттеләр. Афариндар! Ошо уңайҙан балалар менән эшләүгә көсөн йәлләмәгән синыф етәкселәре Гөлсиә Фәрит ҡыҙы Хужәхмәтоваға ҙур рәхмәт әйтеп үтке килә.
Әлфиә Әсәҙуллинаның әлеге көндә Зәйнәб Биишева исемендәге «Китап» нәшриәтендә балалар әҙәбиәте бүлеге етәксеһе булып эшләүен белеү ҙә бик ҡыҙыҡлы булды. Саҡырыуҙы ҡабул итеп, икенсе йылға нәшриәткә экскурсияға барырға ниәтләне беҙҙең ҡыҙыҡһыныусан гимназистарыбыҙ.
Китапханабыҙҙа Әлфиә апайҙың тормошо, ижадына бағышланған күргәҙмә лә ойошторолғайны. Унда уҡыусылар шағирәнең әҫәрҙәре менән дә танышып өлгөрҙө.
Кисә аҙағында балалар үҙҙәрен ҡыҙыҡһындырған бик күп һорауҙарын бирҙе һәм тулы яуаптар алды. Осрашыу иҫтәлеге итеп Әлфиә Нәжип ҡыҙы китаптарын бүләк итте. Бөтә уҡыусылар исеменән ҙур рәхмәтебеҙҙе белдерәбеҙ үҙенә. «Күберәк ҡыҙыҡлы, фәһемле китап уҡығыҙ, белемле булығыҙ», – тигән теләктәрен еткереп, яҡшы кәйеф менән ҡайтып китте ҡунағыбыҙ.
Илзирә ҒАРИФУЛЛИНА, китапханасы.
Өфө ҡалаһы, 102-се башҡорт гимназияһы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64.
Электрон почта
Адресы
450079, г. Уфа, ул. 50 летия Октября, 13, 8-й этаж