+12 °С
Ямғыр
Бөтә яңылыҡтар
Беҙгә килгән хаттарҙан
30 Ноябрь 2018, 16:40
Яуымбайҙарҙың оло ҡыуанысы
Яңыраҡ районыбыҙҙа бик ҡыуаныслы ваҡиға булды. Байназар мәктәбе Яуымбай филиалының мәктәпкәсә төркөмөндә тәрбиәләнеүселәр өсөн заманса матур итеп йыһазландырылған балалар баҡсаһы капиталь төҙөкләндереүҙән һуң асылды. 15 урынлыҡ баҡса иҫкерәк бинала 1988 йылдың октябрендә эшләй башлаған. 2016 йылдың 11 ғинуарынан Яуымбай филиалының «Йәйғор» мәктәпкәсә төркөмө итеп үҙгәртелә. Ошо мәлдән Байназар мәктәбе баҡсаны үҙ ҡанаты аҫтына ала.
Яңыраҡ районыбыҙҙа бик ҡыуаныслы ваҡиға булды. Байназар мәктәбе Яуымбай филиалының мәктәпкәсә төркөмөндә тәрбиәләнеүселәр өсөн заманса матур итеп йыһазландырылған балалар баҡсаһы капиталь төҙөкләндереүҙән һуң асылды. 15 урынлыҡ баҡса иҫкерәк бинала 1988 йылдың октябрендә эшләй башлаған. 2016 йылдың 11 ғинуарынан Яуымбай филиалының «Йәйғор» мәктәпкәсә төркөмө итеп үҙгәртелә. Ошо мәлдән Байназар мәктәбе баҡсаны үҙ ҡанаты аҫтына ала.
Яуымбай филиалын Ишморат Марат улы Муллағолов етәкләй. Был эшкә ул күптән түгел генә тәғәйенләнһә лә, баҡсаның яңы бинаһын сафҡа индереү өсөн өлкән тәрбиәсе Ләйсән Азат ҡыҙы Медаева менән берлектә ҙур тырышлығын һала. Коллектив берҙәм, мәктәп-баҡса хеҙмәткәрҙәренең, Яуымбай ауылы ата-әсәләренең ошондай олуғ эштә әүҙемлеген, егәрлелектәрен, бер-береһен ихтирам итеүҙәрен айырыуса билдәләп үтергә кәрәк.
Бөтә заманса уңайлыҡтары булған 35 урынлыҡ матур балалар баҡсаһы бинаһы сафҡа индерелеүе районыбыҙ тарихы биттәренә сағыу ваҡиға булып яҙылды. Йыйылған халыҡтың йөҙөндә йылмайыу, ҡыуаныс сатҡылары күренә ине. Район мәғариф бүлеге етәксеһе Ришат Булат улы Шәрипов баҡса буйлап экскурсия ойошторҙо. Ҡунаҡтар санитар-гигиена талаптарына яуап биргән заманса йыһазлы уҡыу, уйын, йоҡо, ашхана, йыуыныу бүлмәләре менән танышты. Унан һуң ҙур залға үтеп, балаларҙың концертын ҡарап, етәкселәр ҡотлау һүҙҙәрен еткерҙе, байрам айҡанлы бүләктәрен тапшырҙы.
Бына шундай бик матур сарала ҡатнашып, ҡыуанып ҡайттыҡ беҙ. Яуымбайҙарға: «Афарин!» – тиергә ҡала. Эшләргә теләгән юлын таба, теләмәгәне – сәбәбен, тигән әйтемдең дөрөҫлөгөнә тағы ла бер тапҡыр инандыҡ. Эйе, «Йәйғор»ҙа ҙур теләк менән эшләп йөрөүсе хеҙмәткәрҙәргә – уңыштар, ә сәхнә түренән оло хәстәр өсөн ағай-апайҙарға рәхмәттәр әйтеп тороусы шат балаларға имен бала саҡ, матур, бәхетле көндәр, һәр саҡ ҡыуаныслы тауыштары яңғырап тороуын теләйек.
Сәйҙә СӘЙӘХОВА.
Бөрйән районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж