+12 °С
Ямғыр
Бөтә яңылыҡтар
Беҙгә килгән хаттарҙан
15 Февраль 2019, 17:07
Яратам һине, ҡыш!
Ҡыш! Өс хәрефтән генә торһа ла, ниндәй сихри миҙгел ул. Бар ғаләмде һоҡландырып, ҡырпаҡ ҡар яуыуы, ағастарға бәҫ ҡуныуы, тирә-яҡтың ҡышҡылыҡҡа йоҡоға талыуы… Ә саф һауаһы һуң? Ошо матурлыҡты күреү, рәхәтләнеп уйнау өсөн тышҡа атлығабыҙ. Сана, саңғы шыуабыҙ, ҡарҙа аунайбыҙ…
Ауылыбыҙҙа был миҙгелде яратмаған бала юҡтыр ул. Ҡыш еттеме, беҙ бергәләшеп йыйылып, күңелебеҙ булғансы уйнайбыҙ. Бигерәк тә ҡышҡы каникул ваҡытында танһығыбыҙ ҡанып ҡала. Ә кем ойоштороп уйнатып алып йөрөй, тип уйлайһығыҙ? Клуб мөдире Әлфиә апай Ғәлләмова. Уның шул тиклем дәртле булыуы, ауылыбыҙҙың балаларын яратыуы хайран итә. Апайыбыҙ йыл әйләнәһенә беҙҙең менән эшләй. Ул бейергә, йырларға, актёрлыҡ серҙәренә өйрәтә. Һәр ваҡыт берҙәм булырға өндәй.
Каникулыбыҙ башланыу менән клубҡа йыйып, үткәреләсәк саралар менән таныштыра. Быйылғы ҡышыбыҙ ҙа матур булып үтеп бара, шөкөр. Ғинуарҙың тәүге көнөндә үк Остосаҡ тауының итәгенә юлландыҡ. Командаларға бүленеп, төрлө уйындар уйнаныҡ. Бер-беребеҙҙе саналарға ултыртып ярыштыҡ. Туйғансы көлөп, шаярып ҡайттыҡ.
Һыуыҡ көндәрҙә клубҡа йыйылдыҡ. Йомаҡ әйтештек, йырҙар өйрәндек, сәхнә әҫәрҙәрен уҡыныҡ, күңелле уйындар уйнаныҡ. Унан иртәгеһенә саңғы ярышы булды. Аҙаҡ малайҙар сәкән һуҡты. Беҙҙең бер көнөбөҙ ҙә буш үтмәне. Уҡыуҙар башланып китһә лә, төштән һуң клубтабыҙ. Кемдер бейеү өйрәнә, берәүҙәр шиғыр ятлай, икенселәр тамаша ҡуйырға әҙерләнә.
Рәхмәт, Әлфиә апай, күңелдәребеҙҙе күтәреп тороуығыҙға! Һеҙҙең менән бергә үткән күңелле мәлдәр һәр беребеҙҙең күңелендә һаҡланып ҡалыр, тип уйлайым.
Ә ҡышҡа килгәндә инде, сатлама һыуыҡ булыуына ҡарамаҫтан, хозур тәбиғәт донъяһы бит ул.
Яратам һине, ҡыш!
Гөлнур ҒАЙСИНА, VI синыф уҡыусыһы.
Әбйәлил районы, Амангилде мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж