-33 °С
Ясна
Бөтә яңылыҡтар
Беҙгә килгән хаттарҙан
18 Октябрь 2019, 15:21
Иң яратҡан айым
Октябрь – байрамдарға бай ай. Ололар, Уҡытыусылар һәм Республика көндәре билдәләнә. Уларҙың бөтәһен дә мәктәбебеҙҙә матур итеп үткәрҙек.
Өләсәй-олатайҙарҙың иң яратҡан байрамы Ололар көнө, тип уйлайым, сөнки ейән-ейәнсәрҙәре концерт ҡуя, үҙҙәренең хөрмәтен, ихтирамын күрһәтә. Беҙ ҙә был көндө мәктәбебеҙгә олатай, инәйҙәрҙе саҡырып, уларға йырҙар йырланыҡ, бейенек, шиғырҙар һөйләнек, ҡәҙерле кешеләребеҙгә рәхмәт һүҙҙәрен еткерҙек.
Һөнәри байрамдарында беҙҙең уҡытыусыларыбыҙ «ял итте». Улар бер көнгә булһа ла үҙҙәрен уҡыусы итеп тойоп ҡала, бала саҡтарын иҫкә төшөрә. Уҡытыусыларыбыҙ бөтәһе лә мәктәп формаһында кейенеп килеп, XII синыф булып белем алды, ә уларҙы һәм бәләкәйҙәрҙе туғыҙынсылар һәм унынсылар уҡытты. Был көн дә матур байрам концерты менән тамамланды.
Иң яратҡаным – Республика көнө. Сөнки беҙгә өсләтә байрам. Беренсенән, Башҡортостаныбыҙҙың тыуған көнө уңайынан мәктәбебеҙҙә концерт ҡуйҙыҡ, һуңынан уҡыусылар тырышлығы менән йәрминкә үткәрелде. Унда нимәләр генә тәҡдим итмәнек: бәлештәр, пицца, баҡсанан йыйылған алма, ҡышҡылыҡҡа салаттар, бәшмәк, һуттар... Тағы ла был көн атайым менән әсәйемдең туй көнө булыуы менән ҡәҙерле, ғаиләбеҙ өсөн ҙур байрам. Беҙ һеңлеләрем менән уларға бүләк әҙерләнек. Йәнә 11 октябрь – минең дә тыуған көнөм. Туғандарым өсөн өйөбөҙҙә концерт номерҙары, лотерея һәм башҡа уйындар әҙерләнек.
Бына ни өсөн октябрь минең иң яратҡан айым ул! Ошондай һөйөнөстәр, матур байрамдар һәр ваҡыт булып торһон, тип теләйем.
Гүзәлиә САДИҠОВА, V синыф уҡыусыһы.
Баймаҡ районы, Өмөтбай мәктәбе.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89991334462.
Электрон почта
Адресы
450079, г. Уфа, ул. 50-летия Октября, 13, 8-й этаж