-6 °С
Болотло
Бөтә яңылыҡтар
Беҙгә килгән хаттарҙан
20 Декабрь 2019, 12:34
Китаптың исем туйында
Ишҡол мәктәбендә Зөһрә Кашапованың балалар өсөн яңы донъя күргән «Тамсыҡай» китабының исем туйы булды. Мәктәп етәкселеге был сараға бик етди ҡараған, шуға ла осрашыу юғары кимәлдә үтте.
Зилә Фазылйәнова һәм Роза Ғариповалар ойошторған был йыйында балалар ҙа сығыш яһаны. Уҡыусылар Зөһрә Кашапованың шиғырҙарын һөйләне, уның һүҙҙәренә яҙылған йырҙарҙы йырлап, ижадына байҡау яһаны. Айгөл һәм Наҙгөл Хәбироваларҙың «Бөрлөгән» бейеүе, етенсе синыф малайҙары һәм өсөнсө синыф уҡыусылары башҡарған күмәк бейеүҙәр барыһының да күңеленә хуш килде. Бигерәк тә Мансур Ғиниәтов менән Айтуған Мәҡсүтовтың сығыштарын көслө алҡыштарға күмделәр. Етенсе синыф уҡыусыларының «Таң йондоҙҙары» бейеүе менән алтынсыларҙың «Башҡорт вальсы» ла һоҡланғыс ине.
Йырлы-моңло әҙәби кисәгә шағирәнең ҡыуанысын уртаҡлашырға ижадташ дуҫтары ла килде. «Йондоҙ» гәзитенең баш мөхәррире Азат Көмөшбаев менән шағирә Мәрйәм Сәлмәновалар йәш таланттарҙың сығыштарына юғары баһа бирҙе, оло рәхмәттәрен белдерҙе. Директорҙың тәрбиәүи эштәр буйынса урынбаҫары Динара Әбүзәрова һәм уҡытыусылар ҡунаҡтарға үҙҙәренең иң изге теләктәрен еткерҙе, уларға ижади эштәрендә уңыштар теләне.
Матур, төҫлө, сағыу һүрәттәр менән биҙәлгән «Тамсыҡай» кескәйҙәргә лә оҡшар, тип уйлайым.
Мәҙинә ЙӘҒӘФӘРОВА.
Әбйәлил районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж