+12 °С
Ямғыр
Бөтә яңылыҡтар
Беҙгә килгән хаттарҙан
21 Февраль 2020, 14:44
Киң ҡоласлы талант эйәһе
Минең олатайым Иҙрис Ноғманов (Нөғәмәнов Ринат Мөҙәрис улы) – бик талантлы кеше. Утыҙ биш йыл ғүмерен ергә бағышлаған оҫта агроном, хәҙер хаҡлы ялда. Әммә ул буш ятмай.
Район яҙыусылары ойошмаһын етәкләй. Арымай-талмай йәмәғәт эштәрен дә башҡарырға өлгөрә. Үҙе яҙыусы ла. Биш китап авторы. Уның әҫәрҙәре республикабыҙҙың матбуғат биттәрендә лә донъя күрә. Тәжрибәле һунарсы булараҡ, хайуандарҙың, ҡоштарҙың ҡылыҡ-фиғелдәрен бик яҡшы белә: әҫәрҙәрендә тәбиғәт темаһы, уны һаҡлау кәрәклеге төп урынды алып тора ла инде. Бик күп әҙәби конкурстар еңеүсеһе. Уның әҫәрҙәрен ололар ҙа, балалар ҙа яратып уҡый.
Олатайымдың башҡа һөнәрҙәре лә етерлек. Ул оҫта итеп ҡош булып һайрай белә. Ҡумыҙҙа, гармунда, ҡурайҙа уйнай. Районда үткәрелгән ҡумыҙсылар бәйгеһендә – I урын, ҡурайсылар ярышында Гран-при яуланы, ә гармунсылар конкурсының дипломанты булды.
Үҙе бик күпте белә. Уға кәңәш һорап балалар ҙа, студенттар ҙа, ауыл кешеләре лә, хатта профессорҙар ҙа килә. Шундай ихлас, берәүҙең дә үтенесен кире ҡаҡмай, хәленән килгәнсә ярҙам итергә тырыша. Әхмәт һәм Ҡырҙас ауылдары тарихтары, ер-һыу атамалары, теге йәки был шәхес тураһында белешмә кәрәк булһа ла, уға мөрәжәғәт итәләр.
Мин олатайым менән хаҡлы рәүештә ғорурланам.
Ләйлә НӨҒӘМӘНОВА, VI синыф уҡыусыһы.
Әбйәлил районы, Асҡарҙағы Таһир Күсимов исемендәге гимназия.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж