+9 °С
Болотло
Бөтә яңылыҡтар
Беҙгә килгән хаттарҙан
6 Март 2020, 13:52
Йәшәү йәме улар
Өләсәйем Фәниә Зәки ҡыҙы Килдебаева йәмле Өҫкәлек буйында урынлашҡан Үрге Муйнаҡ ауылында тыуған. Бала сағы һуғыштан һуңғы ауыр ваҡытҡа тура килә. Әсәһе фермала быҙау ҡараусы ла, һауынсы ла була. Атаһы колхозда ферма мөдире, бригадир вазифаларын башҡарған. Өләсәйемдең берҙән-бер һылыуы сабый ғына килеш ауырып үлеп киткәс, ул ғаиләлә бер үҙе ҡала. Ата-әсәһе көнө буйы эштә булғанлыҡтан, өйҙәге бөтә ауыр мәшәҡәт бәләкәй Фәниәнең иңенә төшә. Һыйыр ҙа һауа, өйөн дә йыйыштыра, һыу ҙа ташый, утын да яра. Ваҡыты ҡалһа, шәл дә бәйләй. Хатта бөтә ирҙәр бесәндә саҡта, тауыҡ та салырға тура килә йәш ҡыҙға.
Мәктәпте тик яҡшы билдәләргә тамамлағас, өләсәйем Стәрлетамаҡ педагогия институтына уҡырға инә. Аҙаҡҡы курста уҡып йөрөгәндә синыфташы, тәүге мөхәббәте Рәшит Абдулла улына кейәүгә сыға. Диплом алғас, йәш ғаилә тыуған яҡтарына ҡайтып, эш башлай. Ҡалала ҡалырға тәҡдим итһәләр ҙә, йәш уҡытыусы баш тарта, ата-әсәһенең берҙән-бер ҡыҙы булараҡ, уларҙы ҡараясаҡмын, тип үҙенә һүҙ бирә һәм һүҙендә тора ла.
Фәниә Зәки ҡыҙы 35 йыл ғүмерен балаларға белем биреүгә бағышлаған. Уҡыусылары күптән атай-әсәй, өләсәй-ҡартатай булып бөтһәләр ҙә, үҙен бер ҙә онотмайҙар. Йыл һайын килеп, хәлен беләләр. Рәхмәт һүҙҙәрен әйтеп, күстәнәс тә ҡалдыралар.
Өләсәйем йыр-моңға ла оҫта ул. Бик матур йырлай. Беҙгә башҡорт халыҡ йырҙарының тарихын һөйләй.
Ҡартатайым Рәшит Абдулла улы ла – бик уңған, тырыш, баҫалҡы, бала йәнле кеше. Ғүмер буйы колхозда прораб, рәйес урынбаҫары кеүек вазифаларҙа эшләп, хаҡлы ялға сыҡҡан.
Быйыл ҡәҙерлеләремдең бергә йәшәүҙәренә 46 йыл тула. Улар өс ҡыҙға һәм бер малайға ғүмер бүләк итә. Балаларын юғары уҡыу йорттарында уҡытып, матур туйҙар яһап, оло тормош юлына баҫтыралар. Туғыҙ ейән-ейәнсәрҙәре бар. Барыһы ла өләсәй менән ҡартатай янына ашҡынып ҡайта. Уларҙы ныҡ яраталар.
Хеҙмәт ветерандары булған яҡындарым әлеге көндә лә тик кенә ултырмай: кәртә тултырып мал-тыуар, ҡош-ҡорт аҫрай. Баҡсаларында төрлө емеш-еләк, йәшелсә үҫтерәләр. Өләсәйем матур итеп таҫтамал сигә, ойоҡ-бейәләй, шәл бәйләй. Тәмле итеп бәлеш бешерә, телеңде йоторлоҡ ҡоймаҡ ҡоя.
Ауылыбыҙҙа үткәрелгән «Һаумыһығыҙ, ауылдаштар!» байрамында «Өлгөлө ғаилә» номинацияһында еңеүсе лә булдылар.
Яңыраҡ өләсәйемә 70 йәш тулды. Ҡәҙерле кешемә йомартлығы, сабырлығы, алсаҡлығы, ярҙамсыллығы – шундай шәп кеше булғаны өсөн ҙур рәхмәтемде белдерәм. Ҡартатайым менән бергә оҙон-оҙаҡ йәшәргә насип булһын һеҙгә!
Алтынай ЙӘМҒОРОВА, VII синыф уҡыусыһы.
Ейәнсура районы, Иҫәнғолдағы башҡорт интернат-гимназияһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж