-6 °С
Болотло
Бөтә яңылыҡтар
Беҙгә килгән хаттарҙан
5 Июнь 2020, 12:19
Башҡорт ҡурсаҡтары уйнап үҫһендәр!
Ҡурсаҡ – бала саҡтың иң сағыу хәтирәһе. Француз яҙыусыһы Сент-Экзюпери: «Ҡурсаҡһыҙ бәләкәй ҡыҙыҡай — балаһыҙ ҡатын кеүек», – тигән. Ҡурсаҡ уйнап үҫкәндәрҙә буласаҡ әсә сифаттары тәрбиәләнелә.
Ниғәмәт ауыл биләмәһендә «Ҡурсаҡ байрамы» үткәрелгән ине. Был сара һаман да күптәрҙең хәтерендә һаҡлана.
Ҡартатайҙары мәрхүм булып, балалары ауылға ҡайтҡанында ағинәйҙәр ҡоро рәйесе Фәрзәнә Мөхәмәтшина ейәнсәре Кәримәгә ҙур ғына ҡурсаҡ бүләк итә. Ҡыҙ уға Гөлнәзирә тип исем ҡуша.
– Ҡартәсәй, мин ҡурсаҡты алып ҡайтмайым. Һин бит хәҙер бер үҙең, Гөлнәзирә менән йәшәрһең, – тип ҡәҙерлеһен илата.
– Ярай, улай булғас, һинең ҡурсағыңа башҡорт кейеме тегеп кейҙерермен, – тип ул вәғәҙә биреп ҡала.
Ниғәмәттәге бер оҫта ғына ҡатынды ярҙамға саҡырып, ҡурсаҡҡа милли кейем тегәләр. Фәрзәнә апай Гөлнәзирәне тотоп, балалар баҡсаһына, мәктәпкә башланғыс синыфтарға осрашыуға бара. Шунан биләмәлә «Ҡурсаҡты милли кейем менән кейендереү» буйынса конкурс иғлан ителә. Уның талаптарына ярашлы, ҡыҙҙар әсәйҙәре, өләсәйҙәре менән ҡурсаҡтарына милли кейем һәм биҙәүестәр эшләй, матур башҡорт исеме ҡуша, ҡурсаҡты сәңгелдәктә бәүетеп, йоҡлатыу өсөн бишек йырҙары өйрәнә.
Байрамды тәүҙә – балалар баҡсаһында, шунан – мәктәптә, артабан клубта ойошторалар. Милли кейемле һәм биҙәүесле ҡурсаҡтарҙы район һабантуйына халыҡ кәсептәре күргәҙмәһенә лә алып баралар.
Үҙебеҙҙең ҡыҙҙарыбыҙҙы шулай милли рухта тәрбиәләһәк, ҡайһылай яҡшы булыр ине! Барби ҡурсағы урынына зауыҡлы башҡорт кейемендәге Гөлнәзирә йәки Айһылыу исемле ҡурсаҡ тотоп уйнап, уны башҡортса йырлап бәүетеп ултырған, башҡорт булыуҙары менән ғорурланған ҡыҙҙар – буласаҡ милләт әсәйҙәре үҫтерәйек.
Гүзәл МОНАСИПОВА.
Баймаҡ районы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж