-14 °С
Болотло
TelegramТестарVKOK
Бөтә яңылыҡтар
Был донъяла ниҙәр бар?
20 Апрель 2020, 18:04

Майға тиклем артырмы инде?..

Бөгөн Хөкүмәттә үткән кәңәшмәлә Башҡортостан Башлығы Радий Хәбиров әле республикаға коронавирус буйынса иң юғары нөктәгә етергә иртәрәк булыуы, майһыҙ етмәйәсегебеҙ тураһында белдерҙе.

Әйткәндәй, бөгөн Рәсәй буйынса COVID-19 вирусын йоҡтороусылар һаны кисәге менән сағыштырғанда күпкә кәмерәк: 4 мең 268, кисә 6 меңдән ашыу ине. Ә төбәктәрҙә, Башҡортостанда ла, уларҙың артыуы күҙәтелә: республикала 20 апрелгә тағы 52 кешелә коронавирус тапҡандар, ике кеше вафат булған.
20 апрелдән COVID-19 вирусы таралыуына юл ҡуймаҫ өсөн социаль учреждениелар, йәғни приюттар, балалар һәм ҡарттар йорттары карантинға ябылды. Радий Хәбиров белдереүенсә, карантин шарттарында эшләгән хеҙмәткәрҙәргә өҫтәмә түләү буласаҡ.
Шулай уҡ Республика Башлығы бөгөн Мәскәүҙән легаль булмаған автобус маршруттарын туҡтатырға ҡушты. Сөнки уларҙы контролдә тотоу, коронавирусҡа тест алыу мөмкин түгел, тиерлек.
Читайте нас в