+21 °С
Ясна
TelegramVKOK
Бөтә яңылыҡтар

Атаҡлы ун ат

Иң үлемесле ат – кенәз Олег аты. Ул үлгән атының баш һөйәге эсендә ятҡан йы­лан сағыуынан вафат була.

Атаҡлы ун ат
Атаҡлы ун ат

Әҙәбиәттә һәм ысынбарлыҡтағы тарихта төрлө си­фаттары буйынса танылған аттар бар. Шулай итеп...

Иң мөғжизәле ат – баш­ҡорт эпостарындағы Аҡбуҙат. Ул – ҡолағын беҙҙәй ҡаҙаған, ялын ҡыҙҙай тара­ған, ҡарсыға түшле, муйыны бер ҡоласлы, йүгереклеге һыналған, ҡуш йөрәкле яралған, елһә, ҡоштай елпенеп, тояғы ергә теймәгән, өҫтөн­дәге батырын яуҙа ташлап китмәгән толпар.
Иң ҡыйыу ат – боронғо иң ҙур империя батшаһы Александр Македонскийҙың Буцефал ҡушаматлы аты. Ул ҡурҡыу белмәгән. Үҙ күләгәһенән генә өркөр булған...
Иң вазифалы, түрә ат – Рим императоры Гай Кали­гуланың аты. Уға хужаһының бойороғо буйынса сенатор дәрәжәһе бирелгән.
Иң ғәжәп ат – күренекле яҙыусы Корней Чуковский­ҙың геройы – Айболит табиптың дуҫы Тянитолкай –Тарттаэт. Ул ике башлы итеп һүрәтләнә.
Иң сағыу ат – француз яҙыусыһы Александр Дюма геройы – мушкетер Д` Артаньян аты. Ул көҙгө ҡайын япрағы кеүек һап-һары төҫтә була.
Иң ябыҡ ат – испан әҙибе Сааведра Сервантестың «Дон Кихот»ындағы Росинант. Уның тиреһе аҫтынан һөйәктәре беленеп тора, дүрт аяғына ла аҡһай.
Иң мәкерле ат – Троя аты. Риүәйәт буйынса, ахейҙар, Трояға ҡаршы һуғышҡанда, уның ҡапҡалары ҡаршыһына ағас ат килтереп ҡуя. Атты ҡала халҡы үҙе ҡапҡанан алып инә. Ағас аттың эсенә яугирҙар ултыр­тылған була. Улар төндә ҡапҡалар­ҙы асып, ҡалаға ғәскәр индерә. Шунан был аттың яманаты тарихта ҡала.
Иң үлемесле ат – кенәз Олег аты. Ул үлгән атының баш һөйәге эсендә ятҡан йы­лан сағыуынан вафат була.
Иң бәләкәй ат – урыҫ әкиәттәрендәге Горбунок – Көмрөкәй. Ул өс ҡарыш бейеклектә, дөйә кеүек, ике үркәсле.
Иң ҡырағай ат – Пржевальский аты. Тарпанға оҡшаш ат элек Джунгария сүллектәрендә йәшәй, хәҙер зоопарктарҙа ғына бар.

Автор:"Йәншишмә" гәзите
Читайте нас: