+26 °С
Болотло
Бөтә яңылыҡтар
Һеҙҙең өсөн әңгәмә
28 Декабрь 2018, 16:27
«Тамыр» менән бергә ҡалам»
«Тамыр» телеканалын уның бөгөнгө баш мөхәррире Резеда Миңлебай ҡыҙы Миндиәрованан (Байсурина) башҡа күҙ алдына килтереүе лә ҡыйын. 26 йыл ғүмерен тапшырыуҙары аша йәш быуынды тәрбиәләүгә бағышлаған икән. Бөгөн, күркәм юбилейы айҡанлы, уның менән әңгәмә ҡорҙоҡ.
– Резеда Миңлебай ҡыҙы, тыуған яғың, ниндәй ғаиләлә тәрбиәләнеүең тураһында һөйләп үт әле. Мәктәп йылдары нисек хәтереңдә ҡалған?
– Мин Мәләүез районы Юлдаш ауылында тыуып үҫкәнмен. Атайым Миңлебай Әхмәтдин улы 30 йылдан артыҡ мәктәп директоры вазифаһын биләне. Үҙебеҙҙәге белем усағының яңы бинаһын, интернат, уҡытыусылар өсөн йорттар һалдырҙы. Әйткәндәй, уның хөрмәтенә ауылдың бер урамы хәҙер Байсурин исемен йөрөтә. Әсәйем Әминә Сәхиулла ҡыҙы Вәлишина ла мәктәптә башланғыс синыфтар уҡытыусыһы булып эшләне. Атайым ғәҙел, бик талапсан булһа, әсәйем йомшаҡ күңелле, һәр кемдең хәленә инергә, ярҙам ҡулы һуҙырға әҙер торған кеше һәм уҡытыусы ине. Үҙҙәрен ауылда яҡшы яҡтан ғына хәтерләйҙәр, улар – балаларына, ейән-ейәнсәрҙәренә өлгө. Ата-әсәһе уҡытыусы, директор булғандар мине аңлар, моғайын, был – үҙе бер яуаплылыҡ, бигерәк тә ауыл ерендә йәшәгәндәр өсөн. Уларҙың йөҙөнә ҡыҙыллыҡ килтермәйем, тигән уй тырышып уҡырға, тәртипле булырға кәрәклеген һәр ваҡыт иҫкә төшөрөп тора. Мәктәп йылдары хәтеремдә күңелле, шаулы бер мәл булып ҡалған. Беҙҙең заман балаларының һәр береһе кеүек, мин дә ғорурланып пионер галстугы тағып йөрөнөм, комсомолға индем. Пионер дружинаһы рәйесе, мәктәптең комсомол ойошмаһы секретары булып, йәштәштәрем менән бергәләп, төрлө саралар үткәреп, гөж килеп йөрөгән саҡтар һағындыра.
– Тимәк, һиндә бала саҡтан ойоштороу һәләте булған. Ә радиола нисәнсе йылда эшләй башланың?
– Тарихҡа күҙ һалһаҡ, «Тамыр»ҙың тәүге тапшырыуҙары 1992 йылдың мартында сыға башланы. Минең дә телевидениеға килеп эшләүемә быйыл 26 йыл булды. Радиола балалар өсөн тәүге тапшырыуҙар – «Иләү», «Аҡ елкән», «Тәнәфес»те әҙерләй торғайным. 1995 йылда телевидениеға күсерҙеләр. «Сәңгелдәк»тең сценарий авторы һәм алып барыусыһы булдым. Әлбиттә, төп геройҙар – ҡыҙҙар һәм малайҙар. Мин эшләй башлағанда баш ҡалала башҡортса һөйләшкән балаларҙы табыу ауыр ине. Ул ваҡыттағы алып барыусыларҙың исемдәре күптәргә яҡшы таныш: Зөлхизә Илбәкова, Лиана Хәбибуллина, Рәмис Хәкимов, Азат Саҙрыев, Айгөл Иҙрисова, Флүзә һәм Жәлил Фәрхшатовтар, Сыңғыҙ, Лилиә, Шәүрә… Улар менән әле лә аралашып, хәл белешеп торабыҙ. 2000 йылда Башҡортостан радиоһында «Юлдаш» мәғлүмәти-музыкаль каналы асылғас, «Тамыр» студияһына ла тура эфирға сығыу мөмкинлеге бирелде. Балалар тәүге тапҡыр шул тапшырыуҙарҙы алып барыуҙа ҡатнашты. Уларҙы маҡтап телгә алып үткем килә. 20-се башҡорт гимназияһынан Ләйсән Сөләймәнова, Азат Саҙрыев, Гөлназ Ғәлимуллина, 136-сы башҡорт лицейынан Алмас Шаммасов эштәренә шул тиклем яуаплы ҡарай торғайны. Хәҙер күбеһе журналистика өлкәһендә уңышлы эшләп йөрөй. Бына шул ваҡыттан алып аҙнаһына бер тапҡыр тура эфирҙа тапшырыуҙар алып барыуымды дауам итәм. «Күпер» тапшырыуы сығарылыштарын төрлө темаларға арнайбыҙ. Балалар телеканалында эшләү икеләтә яуаплылыҡ талап итә: киләсәк быуынды тәрбиәләйбеҙ бит.
– Ысынлап та, һин әҙерләгән «Өләсәйем һандығы», «Атайҙар тәрбиәһе», «Ояһында ни күрһә, осҡанында шул булыр» кеүек тапшырыуҙарыңда өлгө алырлыҡ шәхестәр, балалар тураһында һөйләүең, психологтар, табиптар менән әңгәмәләрең, һис һүҙһеҙ, бәләкәй радио тыңлаусылар өсөн тәрбиәүи әһәмиәткә эйә. Ә балалар менән тура эфирҙа эшләү бик ауырҙыр ул…
– Бында, әлбиттә, үҙенә күрә ҡатмарлыҡтары бар. Һәр кем өсөн яуаплылыҡ, һынау ҙа ул. Әммә һәләтле балалар тура эфирҙа булыуҙың бер ҙә ауырлығын тоймай. Бәлки, аңлап та бөтмәйҙәрҙер әле. Аллаға шөкөр, хәҙер «Тамыр» тапшырыуҙарын ҡарап, тыңлап, бер нисә быуын өлгөрҙө. Иң бәләкәстәр – «Сәңгелдәк»те, «Иләү»ҙе, ҙурая төшкәс, улар тура эфирҙа барған «Тау-тау хәбәр», «Гора новостей» тапшырыуҙарын гөрләтеп алып бара, сюжеттар төшөрә. 20-се, Рәми Ғарипов исемендәге 1-се республика, 158-се башҡорт гимназияларынан Рөстәм Төхбәтов, Сафия Ғайсина, Айсулпан Фәйзуллина, Айгөл Ишбаева, Нур Собханғолов, Батырхан Шәйхетдинов, Алмаз Таһировтарһыҙ «Тамыр»ҙың эшмәкәрлеген күҙ алдына ла килтереп булмай.
– Резеда Миңлебай ҡыҙы, гәзит уҡыусыларға ниндәй теләктәрең бар?
– Балаларға уҡыуҙарында уңыштар теләйем. Яңы йыл төнөндә бөтә ҡыҙҙар, малайҙар ҙа мөғжизә көтә. Барлыҡ хыялдары тормошҡа ашһын өсөн беҙ, өлкәндәр, уларҙың күңелендәге ошо тылсым, мөғжизә көсөнә ышанысты арттырырға тейешбеҙ.
– Ихлас яуаптарың өсөн рәхмәт! Бына бит һинең менән һөйләшеү «Тамыр» тураһында әңгәмә кеүек килде лә сыҡты. Киләсәктә лә кескәй милләттәштәребеҙ күңеленә изгелек орлоҡтары сәсеүеңдә уңыштар теләйбеҙ.
– Бында, әлбиттә, үҙенә күрә ҡатмарлыҡтары бар. Һәр кем өсөн яуаплылыҡ, һынау ҙа ул. Әммә һәләтле балалар тура эфирҙа булыуҙың бер ҙә ауырлығын тоймай. Бәлки, аңлап та бөтмәйҙәрҙер әле. Аллаға шөкөр, хәҙер «Тамыр» тапшырыуҙарын ҡарап, тыңлап, бер нисә быуын өлгөрҙө. Иң бәләкәстәр – «Сәңгелдәк»те, «Иләү»ҙе, ҙурая төшкәс, улар тура эфирҙа барған «Тау-тау хәбәр», «Гора новостей» тапшырыуҙарын гөрләтеп алып бара, сюжеттар төшөрә. 20-се, Рәми Ғарипов исемендәге 1-се республика, 158-се башҡорт гимназияларынан Рөстәм Төхбәтов, Сафия Ғайсина, Айсулпан Фәйзуллина, Айгөл Ишбаева, Нур Собханғолов, Батырхан Шәйхетдинов, Алмаз Таһировтарһыҙ «Тамыр»ҙың эшмәкәрлеген күҙ алдына ла килтереп булмай.
– Резеда Миңлебай ҡыҙы, гәзит уҡыусыларға ниндәй теләктәрең бар?
– Балаларға уҡыуҙарында уңыштар теләйем. Яңы йыл төнөндә бөтә ҡыҙҙар, малайҙар ҙа мөғжизә көтә. Барлыҡ хыялдары тормошҡа ашһын өсөн беҙ, өлкәндәр, уларҙың күңелендәге ошо тылсым, мөғжизә көсөнә ышанысты арттырырға тейешбеҙ.
– Ихлас яуаптарың өсөн рәхмәт! Бына бит һинең менән һөйләшеү «Тамыр» тураһында әңгәмә кеүек килде лә сыҡты. Киләсәктә лә кескәй милләттәштәребеҙ күңеленә изгелек орлоҡтары сәсеүеңдә уңыштар теләйбеҙ.
Эльвира ӘСӘҘУЛЛИНА һөйләште.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж