0 °С
Болотло
Бөтә яңылыҡтар
Иҫтәлекле көндәр
16 Август 2019, 12:00
«Легендар генерал» күргәҙмәһе һеҙҙе көтә!
Башҡортостан Республикаһының Милли архивында данлыҡлы 112-се Башҡорт кавалерия дивизияһы командиры Миңлеғәли Минһаж улы Шайморатовтың тыуыуына 120 йыл тулыу айҡанлы «Легендар генерал» тип нарыҡланған күргәҙмә асылды. Унда Милли архив фондтарында һаҡланған байтаҡ документ һәм фотоһүрәттәрҙе күрергә була.
Күргәҙмә дүрт бүлектән тора. Миңлеғәли Шайморатовтың Ҡыҙыл Армия сафында хеҙмәт иткән осоро һәм 112-се Башҡорт кавалерия дивизияһының шанлы хәрби юлы хаҡында һөйләгән ҡомартҡылар һәр кемдә ҡыҙыҡһыныу уятасаҡ. Башҡортостан Хөкүмәтенең рәсми вәкилдәре, сәнғәт эшмәкәрҙәре һәм танылған урыҫ шағиры Константин Симоновтың башҡорт кавалеристары менән фронтта осрашыуын тарихта ҡалдырған фотоһүрәттәр – ҡанлы һуғыштың яҡты биттәре.
Данлыҡлы дивизияның батыр командиры иҫтәлеген мәңгеләштереү тарихы ла күргәҙмәлә шаҡтай сағылыш тапҡан. 1958 йылдың 18 июнендә Башҡорт АССР-ның Өлкә Комитеты һәм Министрҙар Советы генерал Шайморатовҡа Советтар Союзы Геройы исемен һәм уға Өфө ҡалаһында монументаль һәйкәл ҡуйыу хаҡында үтенес менән Мәскәүгә мөрәжәғәт итә. Башҡортостан етәкселәренең уй-ниәтен хуплап, Советтар Союзы Маршалы Семен Буденный ҙа КПСС Үҙәк Комитетына хат ебәрә. Көнүҙәклеген бөгөн дә юғалтмаған ошо һәм башҡа мөһим документтар менән Милли архив күргәҙмәһендә танышырға мөмкин.
Бынан тыш, Башҡортостан Республикаһының Архив эштәре буйынса идаралығы сайтында урынлаштырылған виртуаль күргәҙмә менән дә танышырға теләүселәр күп булыр, тип уйлайым.
Н. БУЛАТОВ.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж