-5 °С
Болотло
Бөтә яңылыҡтар
Илһам
2 Ноябрь 2018, 13:28
Йәшенмәк уйнарға ярата
Нәҫер Бер ҡараһаң, ҡояш алһыу ғына булып офоҡта уяна. Ҡулсатырҙы өйҙәге сөйгә элеп тышҡа сығаһың, ә ул – юҡ. Болот артына йәшенә лә һалған.
Бер ҡараһаң, ҡояш алһыу ғына булып офоҡта уяна. Ҡулсатырҙы өйҙәге сөйгә элеп тышҡа сығаһың, ә ул – юҡ. Болот артына йәшенә лә һалған. Уйым-уйым булып күктә ағылған болоттар араһынан ҡояшты эҙләп табаһың да бармаҡ янайһың: «Тапҡанһың шаярыр мәл! Һиңә ышанып ҡулсатырһыҙ сыҡтым!» Шәп-шәп атлап көҙгө эштәрең буйынса үҙ юлыңдан китәһең. Ә ҡояш аяҡ аҫтыңдағы күләүеккә һикереп төшә. «Ваҡытым юҡ!» – тип уны урап үтәһең. «Ә бәләкәй сағыңда күләүеккә баҫып меңәрләгән нур сәсрәтә белә инең!» – тип бер аҙ үпкәләп ала ҡояш.
Шунан миләш емештәренә ҡунып, аяҡтарын болғай-болғай, шым ғына ултырып ҡала ул. Тик оҙаҡҡа түгел, һары япраҡ булып алдыңа өҙөлөп төшә. Ҡыштыр-ҡыштыр атлап үтеп китәһең, аяҡ аҫтыңда ҡояш түшәлеп ятҡанын да абайламайһың. Ә ул һаман йәшенмәк уйнауын дауам итә. Был юлы сәскә түтәлдәренә ҡуна. Көҙҙөң һуңғы сәскәһе шул саҡ һиңә үрелә: «Ҡара инде миңә берҙе һоҡланып, битараф үтеп китмә!» Туҡтамайса булмай. Ҡояш ҡунған бит уға. Һарыҡайҙы һаҡ ҡына өҙөп алаһың да йылыға, күңел төпкөлөнә, һалып ҡуяһың. Минең ҡояшымдың урыны шунда.
Ә күктәгеһе әйҙә болот менән йәшенмәк уйнаһын.
Ә күктәгеһе әйҙә болот менән йәшенмәк уйнаһын.
Гөлсимә ИШТАНОВА.
Өфө ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж