+12 °С
Ямғыр
Бөтә яңылыҡтар
Иман барҙа - әхлаҡ бар
24 Апрель 2020, 11:05
Изге Рамаҙан айы башланды
Аллаға шөкөр, Рамаҙан айына ла аяҡ баҫтыҡ. Был осорҙа бер ай дауамында ураҙа тотоу фарыз ителгән. Изге айҙа мосолмандар ашап-эсеүҙән тыйылып ҡына тормай, насар ғәмәл-һүҙҙәрҙән арына, тирә-яҡтағыларға изгелек ҡыла, үҙендә ихтыяр көсө лә тәрбиәләй.
Ураҙа – исламдың биш шартының береһе. Үҙен мосолман тип һанаған һәр кем әлеге ғәмәлде үтәргә бурыслы. Бик өлкән йәштәгеләргә, сирлеләргә ураҙа тотмаҫҡа ла була. Уның урынына фидиә саҙаҡаһы бирергә кәрәк. Әлеге аҡсаны етем, ауырыу йәки аҙ тәьмин ителгән ғаиләләрҙә тәрбиәләнгән балаларға тапшырырға мөмкин. Ризыҡлата биреү ҙә ярай. Әйткәндәй, мәктәп уҡыусыларына ла ураҙа тоторға мөмкин: ҡыҙҙарға – туғыҙ, малайҙарға – 12 – 13 йәштән.
Ураҙа тотоу өсөн иртән тороп ашаған ризыҡты – сәхәр, кискеһен ауыҙ асыуҙы ифтар, тибеҙ. Ҡояш ҡалҡырҙан ике сәғәт алда, сәхәр ашынан һуң, мосолман ошо доғаны уҡып, үҙенең ниәтен әйтә: «Бисмилләһир-рахмәнир-рахим! Нәүәйтү ән әсүмә саумә шәһри рамаҙанә минәл-фәжри иләләл-мәғриби халисәл-лил-ләһи Тәғәлә. Аллаһу Әкбәр».
Кисен ауыҙ асҡанда ошо доға уҡыла: «Бисмилләһир-рахмәнир-рахим! Аллаһүммә ләкә сумтү үә бикә әмәнтү үә ғәләйкә тәүәккәлтү үә ғәлә ризҡиҡә әфтартү үә лисауми ғади мин шәһри рамаҙәнә нәүәйтү фәғфирли мә ҡаддәмтү үә мә әххәртү».
Быйылғы Рамаҙан айы, бөтә донъя буйынса таралған яһил сир айҡанлы, мосолмандар өсөн ҡайһы бер сикләүҙәр менән уҙғарыла. Башҡортостан Республикаһы мосолмандарының Диниә назараты рәйесе Айнур Бирғәлин хәбәр итеүенсә, тәрәүих намаҙҙары һәм ифтарҙар үткәрелмәй, ғәмәлдәр өйҙә генә башҡарыласаҡ. Шулай ҙа кәйефебеҙҙе төшөрмәйек, изге Рамаҙан айын яҡшы уйҙар ғына уйлап, мәрхәмәтлелек күрһәтеп, изгелектәр генә ҡылып үткәрәйек.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж