+12 °С
Ямғыр
Бөтә яңылыҡтар
Иман барҙа - әхлаҡ бар
22 Май 2020, 13:18
Карина икенсе йыл ураҙа тота
Ер шарына ҡурҡыныс афәт ябырылып, бар халыҡты өйҙәренә ҡыуҙы. Атай-әсәйҙәр эшкә йөрөмәне, балалар өйҙә генә белем алды. Хатта ситтә эшләп йөрөгән яҡындарыбыҙ ҙа ҡайта алмай, эшләгән урындарында ҡалды. Ошо киҙеүҙән ҡурсаларға теләгәндәй, Аллаһы Тәғәлә беҙгә ураҙа ебәрҙе. Хаҡ мосолмандарыбыҙ ҡурҡыныс ауырыуҙың еңел үтеүен теләп аяттар уҡыны, көнө-төнө Хоҙайға ялбарҙы. Шөкөр, был һынауҙарҙы ла үтеп киләбеҙ, шикелле. Ураҙа айы ахырына яҡынлаша.
Карина әсәһе Ирина Рәүеф ҡыҙы менән.
Өйҙә ултырып эшләүҙәренә, уҡыуҙарына ҡарамай, күп кеше ураҙа тота. Ундайҙар минең уҡыусыларым араһында ла бар. Шуларҙың береһе тураһында һүҙем. Ул – Карина Ғәниева, VII синыфта белем ала. Уҡыуҙа тырыш, башҡорт телен теләп өйрәнә, төрлө сараларҙа әүҙем ҡатнаша. Бөхтә, мөләйем ҡыҙҙы тиҫтерҙәре лә үҙ итә. Сөнки ул яғымлы һәм ярҙамсыл. Карина ураҙаны инде икенсе йыл тота. Ул был ҡарарға әсәһенә эйәреп килә. Ирина Рәүеф ҡыҙы иһә был ғәмәлде өсөнсө йыл ҡалдырмай. Уларға быйыл беренсе синыфты тамамлаған кескәй Денис та эйәргән.
– Ураҙаны хәҙер ғаиләбеҙ менән тотабыҙ, атайым да доғалар уҡый, беҙгә кәңәштәрен биреп кенә тора, – ти Карина йылмайып. – Доға уҡыу тынысландыра, тыйнаҡлыҡҡа өйрәтә. Үҙеңде ышаныслы тояһың. Уҡыуға ҡамасауламай, киреһенсә, аяттарҙы өйрәнеү, уны ятлау мейе эшмәкәрлеген яҡшырта, хәтерҙе үҫтерә.
Һуңғы йылдарҙа, ысынлап та, дингә ылығыусылар һаны артты. Урамдарҙа баштарына күркәм яулыҡ бәйләгән, оҙон итәкле күлдәк кейгән ҡатын-ҡыҙҙар ихтирам уята. Уларға ҡарап һоҡланмау мөмкин түгел. Был, беренсенән, матур ҙа, икенсенән, яулыҡлы, доға уҡыған, ураҙа тотҡан кеше боҙоҡ юлға баҫмаҫ, башҡаларҙы ла әҙәпкә, хаҡ юлға әйҙәр. Устарыбыҙҙы усҡа ҡуйып, Аллаһы Тәғәләгә ялбарғанда бит күңелде ниндәйҙер илаһи һиллек солғап ала. Ә аяттарҙы тыңлағанда инде бар донъяны моң биләгәндәй.
Карина йәйге ялды түҙемһеҙлек менән көтөүен белдерҙе. Сөнки каникул ваҡытында мәсеттә балалар өсөн лагерь ойошторола икән. Унда төрлө спорт ярыштары, конкурстар, аяттар уҡыу, ятлау өсөн курстар ҙа үтә.
– Бар халыҡты яҡынлашып килгән Ураҙа ғәйете менән ҡотлайым. Киҙеүҙең тиҙерәк үтеүен, бар халыҡтың һау-сәләмәт, шат булыуын, мәктәпте тамамлаусыларға имтихандарын яҡшы биреүен, тиҫтерҙәремә йәй көнө рәхәтләнеп ял итеп, көс йыйып мәктәпкә барыуҙарын теләйем, – ти Карина.
Рәхмәт, әйткәнең килһен. Үҙеңә лә уңыштар теләйем, имен-һау бул!
Гөлмирә БИКБУЛАТОВА, юғары категориялы башҡорт теле уҡытыусыһы, Рәсәй һәм Башҡортостан Журналистар берлеге ағзаһы.
Туймазы ҡалаһы, 6-сы мәктәп.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж