+13 °С
Ясна
Бөтә яңылыҡтар
Ижади түңәрәктәрҙә
13 Сентябрь 2019, 13:05
Һин бит бер генә!
Айгүзәл ВӘЛИЕВА – Ҡырмыҫҡалы районының Ибраһим ауылынан. Рәми Ғарипов исемендәге 1-се республика башҡорт интернат-гимназияһында X синыфта уҡый.
– Тәүге шиғырымды өсөнсө синыфта уҡығанда яҙғайным. Уны беҙгә уҡытыусыбыҙ өй эше булараҡ биргәйне. Гимназияға етенсе синыфҡа уҡырға килгәс, ижад донъяһына киңерәк сумып, «Аҡ ҡауырһын» ижад түңәрәгендә әүҙем шөғөлләнә башланым, – ти шиғыр «ене» ҡағылған ҡыҙ.
Буш ваҡытында ул үҙен төрлө өлкәлә һынап ҡарарға тырыша, белем усағында уҙғарылған бер саранан да ситтә ҡалмай. Киләсәктә телдәр белгесе булырға теләй.
Бөгөн һеҙгә уның шиғри күстәнәстәрен тәҡдим итәбеҙ.
Һин бит бер генә!
Ҡояш йылмая,
Нурҙарын һибә.
Әсәй, ҡояштай,
Иркәләй, үбә.
Үҫтерҙең мине
Һөйөп ҡулыңда.
Уңыш йылмайһын
Атлар юлыңда.
Әсәй, ҡәҙерлем,
Һин бит бер генә.
Беҙгә терәкһең,
Балҡы гел генә!
Көтәм
Көтәм! Инде күпме көтәм,
Һүнерме һуң был өмөт?
Һине тапмайса арыным,
Ә йөрәк ҡысҡыра: «Көт».
Ҡайҙа ғына юғалдың һуң,
Сыҡтың ниндәй юлдарға?
Һине көтөп көтөк булдым,
Гелән һин уйҙарымда.
Ҡайҙалыр йыраҡтаһыңдыр,
Һине табыуы ауыр.
Ҡасан ғына минең өсөн
Һөйөү ямғыры яуыр?
Тик ышанысым юғалмай,
Күңелдә яна өмөт.
Беҙҙең күҙҙәр осрашырҙар,
Тик һин генә мине көт.
Тынып тормай бер аҙға
Тынғыһыҙлыҡ. Ел дә тынмай,
Тулҡынлана, эй, йылға.
Күңел ярһыуҙары ла һис
Тынып тормай бер аҙға.
Көҙөн ямғырҙар туҡтамай,
Күңелдә – төрлө уйҙар.
Ошо һыуҙар менән генә
Йыуылһа ине улар.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж