-3 °С
Ҡар
Бөтә яңылыҡтар
Күңелдәрҙең иләҫ-миләҫ сағы
6 Март 2020, 12:40
Бер мөхәббәт тарихы
Һәр парҙың үҙ мөхәббәт тарихы бар. Кемдәрҙер бер уҡыу йортонда уҡыған, икенселәр бер урында эшләгән, өсөнсөләр дуҫтары аша танышҡан. Хәҙерге ваҡытта социаль селтәрҙәр аша үҙ бәхеттәрен тапҡан кешеләр ҙә бихисап. Ә шулай ҙа мәктәп йылдарында ҡабынған һөйөү хистәре күңелдәрҙә мәңгелеккә уйылып ҡала. Һөйҙөргән дә, көйҙөргән дә тәүге мөхәббәт, тип юҡҡа ғына әйтмәйҙәрҙер ул.
Ғәлиә менән Әминә бәләкәй генә саҡтан бергә уйнап үҫте. Күрше генә йәшәгәс, бер-береһенә йыш ҡына ҡунаҡҡа ла йөрөнөләр. Ғәлиә тыныс холоҡло, оялсан, ә Әминә – уттай янып торған ҡыҙ. Шуға ҡарамаҫтан, улар һәр ваҡыт бергә ине. «Беҙҙең дуҫлығыбыҙға берәү ҙә ҡамасауламаясаҡ. Мәңгегә дуҫ булырбыҙ!» – тип йыш ҡына ҡабатланы Әминә. Ләкин бер ваҡиға арҡаһында улар араһынан ҡара бесәй үткәндәй булды.
Туғыҙынсыла уҡығанда синыфтарына яңы егет килде. Оҙон буйлы, көләс йөҙлө, йәшел күҙле Раян шунда уҡ күп ҡыҙҙарҙың башын әйләндерҙе, төн йоҡоларын алды. Ғәлиә лә тәү күреүҙән оҡшатты. Ләкин ул егеткә һүҙ ҡушырға ояла ине. Күпме тырышып ҡараһа ла, шул баҙнатһыҙлығын бер ҙә еңә алманы.
Бәхетенә күрә, бер көндө ҡыҙҙы синыф етәксеһе Рәмилә апай саҡырып алды.
– Һин бит яҡшы уҡыйһың, Ғәлиә. Раянға геометриянан ярҙам итһәң, бик шәп булыр ине, – тине ул.
Ҡыҙ ҡыуанып риза булды. Сөнки уның хәҙер Раянды йышыраҡ күреү мөмкинлеге килеп сыҡты бит.
Шулай итеп, ике ай ҙа һиҙелмәй үтеп китте. Бер көн тәнәфес мәлендә Рәмис исемле синыфташы Ғәлиәнең ҡулына ҡағыҙ киҫәге тотторҙо. Был хат Раяндан ине. Унда егет ҡыҙҙы ныҡ оҡшатыуын белдереп, дуҫлыҡ тәҡдим иткән. Ғәлиә ҡыуанысынан ни эшләргә белмәне. Иң яҡын әхирәте Әминәгә серен һөйләргә булды. Ул да Раянды күптән яратып йөрөй икән. Әхирәтенең һүҙҙәрен ишеткәс, уның күҙ алдары ҡараңғыланды, аяғының аҫтында ер убылып төшкәндәй булды. Шулай ҙа ул үҙен тиҙ генә ҡулға алды ла:
– Һине ысын оҡшата, тип уйлайһыңмы? Алдаша бит ул! Мин кисә генә бер ҡыҙ менән паркта етәкләшеп китеп барғанын күрҙем. Онот һин уны, – тине.
Әминәнең был һүҙҙәре Ғәлиәнең йөрәгенә бысаҡ булып ҡаҙалды. Ҡыҙ ни әйтергә белмәй, телһеҙ ҡалды. Ҡулындағы ҡағыҙ киҫәген йыртып ташланы. Бынан һуң Ғәлиә Раянға бөтөнләй иғтибар итмәҫкә тырышты. Яуап көтөп йөрөгән егет ҡыҙҙың уға ҡарата мөнәсәбәте былай ҡапыл үҙгәреүенә бик аптыраны һәм бер көндө сәбәбен һорарға булды. Яратҡан кешеһенең һүҙҙәрен тыңлағандан һуң, Раян ихлас көлөп ебәрҙе. Паркта ул ҡунаҡҡа килгән ике туған һеңлеһе менән йөрөгән икән. Уның менән таныштырырға ла вәғәҙә итте. Шунан егет Әминәнең уның артынан йүгергәнен дә һөйләп бирҙе һәм үҙенә тик Ғәлиә оҡшағанын белдерҙе.
Биш йыл дуҫлашып йөрөгәндән һуң, ҡыҙ менән егет өйләнешеп тә ҡуйҙы. Уларҙың мөхәббәт тарихы әле лә дауам итә.
Лилиә СОЛТАНОВА, БДУ студенткаһы.
Өфө ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж