+12 °С
Ямғыр
Бөтә яңылыҡтар
Көслөләр, ҡыйыуҙар, етеҙҙәр
20 Апрель 2018, 10:50
Ир-егеттәр спорты, тип әйтеп ҡара!
– Бер килгәндә, һеҙҙе үҙебеҙҙең чемпиондар менән дә таныштырырға теләйбеҙ, – тинеләр Шаран ауылындағы 1-се мәктәптә. – Әле сығарылыш синыфында уҡыған Алина Йыһангирова былтыр билбау көрәше буйынса үҫмерҙәр араһында үткәрелгән Рәсәй беренселегенән алтын миҙал алып ҡайтты бит. Был ҡаҙанышы менән ул белем усағының ғына түгел, ә районыбыҙҙың да данын күтәрҙе. Беҙҙең Алина уҡыуҙа ла алдынғылар сафында. Бигерәк тә күптәргә еңел бирелмәгән математика фәненән олимпиадаларҙа һынатмай.
– Бер килгәндә, һеҙҙе үҙебеҙҙең чемпиондар менән дә таныштырырға теләйбеҙ, – тинеләр Шаран ауылындағы 1-се мәктәптә. – Әле сығарылыш синыфында уҡыған Алина Йыһангирова былтыр билбау көрәше буйынса үҫмерҙәр араһында үткәрелгән Рәсәй беренселегенән алтын миҙал алып ҡайтты бит. Был ҡаҙанышы менән ул белем усағының ғына түгел, ә районыбыҙҙың да данын күтәрҙе. Беҙҙең Алина уҡыуҙа ла алдынғылар сафында. Бигерәк тә күптәргә еңел бирелмәгән математика фәненән олимпиадаларҙа һынатмай.
Был ҡыҙ спорт менән ныҡлап өс йыл элек кенә шөғөлләнә башлаған.Тәүҙә балалар һәм үҫмерҙәр спорт мәктәбендәге дзюдо секцияһына йөрөй. Һуңынан уның һәләтен күреп ҡалып, тәжрибәле тренер Айнур Салауат улы Хөсәйенов билбау көрәшен һайларға һәм үҙе етәкләгән төркөмгә яҙылырға тәҡдим итә. Был бик тә дөрөҫ аҙым була. Нәҡ көрәштең шул төрө Алинаның күңеленә хуш килә. Келәмгә сыҡҡанда үҙ-үҙенә ышанысы нығынғандан һуң инде төрлө ярыштарҙа еңеүҙәр ҙә оҙаҡ көттөрмәй.
– Билбау көрәше бит тәбиғи асылыбыҙға, булмышыбыҙға яҡын, – ти Алина. – Дзюдола өйрәнгән алымдар миңә келәмдә әлеге ваҡытта бик тә ярап ҡала. Ә бит еңер өсөн яҡшы физик әҙерлектән тыш, сослоғоңдо, етеҙлегеңде, шулай уҡ сәмлелегеңде күрһәтергә кәрәк. Әлбиттә, минең үҫмер ҡыҙҙар араһында Рәсәй беренселегендә алтын миҙал яулауымда тренер-остазымдың роле ҙур. Залда күнекмәләр үткәргәндә ул беҙҙең хәрәкәттәрҙе ентекләп күҙәтә, теге йәки был алымды яһағанда үҙенең кәңәштәрен бирә. Дөрөҫ эшләһәк, дәртләндереп, күңелдәрҙе күтәреп ебәрә.
Ил кимәлендәге ярыштарҙа еңеп сыҡҡан көрәшсе ҡыҙ спорт мастерлығына кандидат нормативын да үтәгән. Тик әлегә уға танытма тапшырырға өлгөрмәгәндәр. Хәйер, эш бит исемдә генә тормай, үҙеңдең әҙерлегеңде яҡшыртыу һәм оҫталығыңды арттырыу өсөн спорт мәктәбендә күнекмәләрҙе ныҡышмалы рәүештә дауам итергә кәрәк. Өҫтәүенә, хәҙер уға 18 – 20 йәштәге ҡыҙҙар төркөмөндә көс һынашырға тура киләсәк.
– Уҡыуҙа ла һынатмаҫҡа тырышам, – ти Алина. – Ике генә фәндән «дүртле»м бар, ҡалғандарынан тик «бишле»гә өлгәшәм. Быйыл XI синыфта уҡыу миңә тағы ла ҙур яуаплылыҡ өҫтәй. Алдағы маҡсатым – Берҙәм дәүләт имтихандарын уңышлы тапшырыу. Ҡулыма өлгөргәнлек аттестатын алғандан һуң Өфөләге йәки Ҡазандағы Эске эштәр министрлығына ҡараған юридик институтҡа уҡырға инергә теләйем. Юғары уҡыу йортонда спорт менән шөғөлләнеүҙә минең алда яңы офоҡтар асыласаҡ, тип өмөтләнәм.
Миҙхәт ШӘРИПОВ.
Шаран районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж