Бөтә яңылыҡтар

Иң көслөһө – Наилә!

Башҡортостандың иң көслө ҡыҙы кем, беләһегеҙме? Наилә Ғәлина! 22 йәшлек Бөрйән ҡыҙы Башҡорт дәүләт ауыл хужалығы университетында III курста уҡый.

Мәктәп йылдарында уҡ гер күтәреү спорты менән етди шөғөлләнә ине. Спорт мастерлығына кандидат. Күп тапҡыр Башҡортостан чемпионы булған, Рәсәй беренселегендә призлы урындар яулай.

Әле яңыраҡ Өфөлә үткән Милли һәм олимпия уйындарына инмәгән спорт төрҙәре буйынса Бөтә Рәсәй фестивалендә рекорд ҡуйҙы. 63 килограмм ауырлыҡ үлсәме буйынса ярышып, 24 килограмлыҡ герҙе 127(!) күтәреп, Алтын миҙал яуланы. Афарин! Тырыш, таһыллы ҡыҙға киләсәктә спорт мастеры исемен яулауын теләйбеҙ.
Читайте нас в