+21 °С
Ясна
TelegramVKOK
Бөтә яңылыҡтар
Хеҙмәт сиреге
29 Август 2022, 12:30

Һай, уңған ҡыпсаҡ-асҡарҙар!

Яңы уҡыу йылы башланырға ла күп ҡалманы. Әлшәй районының Ҡыпсаҡ-Асҡар мәктәбе уҡыусыларын ҡаршы алырға күптән әҙер.

Һай, уңған ҡыпсаҡ-асҡарҙар!
Һай, уңған ҡыпсаҡ-асҡарҙар!

Белем усағы гөл-сәскәгә күмелеп ултыра, мәктәп баҡсаһы ла гөрләп үҫә, уңыш та мул булмаҡсы. Шулай булмай ни! Йәй буйына ҡыҙҙар һәм малайҙар унан ҡайта белмәне бит, сиратлашып, йәйге хеҙмәт сирегендә эшләне. Кемдәрҙер һыу һипте, йәшелсәләрҙе утаны, емеш-еләк йыйҙы, ә фотоһүрәт­тәге һигеҙенселәр иһә кишер, ҡыҙыл сөгөлдөрҙө һирәкләне. Дүртәү генә булһалар ҙа, ең һыҙғанып тырышҡас, «һә» тигәнсе тамамлап та ҡуй­ҙылар.
– Баҡсабыҙ ҙур ғына. Ниндәй генә йәшелсә, емеш-еләк үҫмәй беҙҙә?! Белем усағыбыҙ яҙҙан алып ҡара көҙгә тиклем гөл-сәскәгә күмелеп ултыра. Былар, әлбиттә, уҡыусыларҙың һәм уҡытыусыларыбыҙҙың көсө, тырышлығы һөҙөмтәһе, – ти инглиз теле уҡытыусыһы, баҡса өсөн яуаплы булған Гөлнара Заһит ҡыҙы Сәмиғуллина.
Йәйҙең бер көнө ҡышты туй­ҙыра, тиҙәр бит. Ҡыпсаҡ-Ас­ҡар мәктәбенең уңған, эшһөйәр уҡыу­сылары ла уҡыу йылы буйына үҙ хеҙмәттәренең емешен та­тып, рәхәтләнеп кинәнеп һыйланырҙар әле.

Юлиә КИРӘЕВА.

Һай, уңған ҡыпсаҡ-асҡарҙар!
Һай, уңған ҡыпсаҡ-асҡарҙар!
Һай, уңған ҡыпсаҡ-асҡарҙар!
Автор:"Йәншишмә" гәзите
Читайте нас: