-5 °С
Болотло
Бөтә яңылыҡтар
Хоккей
18 Декабрь 2017, 15:02
Өфө боҙондағы рекорд
Эйе, рекорд ҡуйылды! «Салауат Юлаев» менән «Локомотив» (Ярославль) уйнағанда КХЛ тарихында иң тиҙ гол индерелде. Ҡыҙғанысҡа ҡаршы, уны беҙҙең ҡапҡасыбыҙ Бен Скривенс үткәрҙе. Уйын башланып, биш секунд та уҙманы – гол… Исемен тарихҡа яҙҙы инде. Әйткәндәй, элекке рекорд Александр Радуловта ине. Ул «Салауат Юлаев»та уйнаған сағында «Югра» ҡапҡаһына алтынсы секундта гол индергәйне. Бына бит нисек! Радуловҡа еткән хоккейсыны хәҙер табыуы ҡыйын. Һоҡландырған, ҡыуандырған саҡтарын һағынып иҫкә ала көйәрмәндәр.
Эйе, рекорд ҡуйылды! «Салауат Юлаев» менән «Локомотив» (Ярославль) уйнағанда КХЛ тарихында иң тиҙ гол индерелде. Ҡыҙғанысҡа ҡаршы, уны беҙҙең ҡапҡасыбыҙ Бен Скривенс үткәрҙе. Уйын башланып, биш секунд та уҙманы – гол… Исемен тарихҡа яҙҙы инде. Әйткәндәй, элекке рекорд Александр Радуловта ине. Ул «Салауат Юлаев»та уйнаған сағында «Югра» ҡапҡаһына алтынсы секундта гол индергәйне. Бына бит нисек! Радуловҡа еткән хоккейсыны хәҙер табыуы ҡыйын. Һоҡландырған, ҡыуандырған саҡтарын һағынып иҫкә ала көйәрмәндәр.
Юлаевсылар «Локо» менән уйынын насар башланы. Беренсе осорҙа уҡ ике гол үткәреп, 0:2 иҫәбенә еңелеп бара инеләр. Ярай әле тренерҙарыбыҙ Бен Скривенсты алмаштырҙы. Уның урынына Андрей Кареев сыҡҡас, хәл бөтөнләй үҙгәрҙе. Ышаныслы уйнаны, ҡапҡаһында ныҡ торҙо ул. Күпме тапҡыр ҡотҡарҙы ла. Юлаевсылар икенсе осорҙа уҡ иҫәпте тигеҙләп тә ҡуйҙы. Голдар – Михаил Юньков менән Теему Хартикайнен иҫәбендә. Ә өсөнсө осорҙа беҙҙекеләр ҙә, ҡунаҡтар ҙа күберәк һаҡланыу яғын ҡараны. Шулай ҙа хәл иткес голды юлаевсыларҙан Йоонас Кемппайнен индерҙе – 3:2! Тағы ла еңеү! Етенсе урынға күтәрелдек.
Был көндө көйәрмәндәр өсөн хәйриә акцияһы ла ойошторолдо. Бик хуп! Хоккей ҡарарға килеүселәр меңдән артыҡ йомшаҡ уйынсыҡ һатып алып, 216 мең һум аҡса йыйылды. Ауыр сирҙән яфаланған һигеҙ йәшлек Мәҙинә Хәйбрахмановаға ярҙамға тотоноласаҡ икән. Был йыйылған аҡса тағы ла Дарина Фәйзулловаға – коляска, ә Яна Мальцеваға – махсус корсет алыу һәм Дима Крючковҡа балалар үҫеше үҙәгендә шөғөлләнеү өсөн дә еткән.
Көйәрмәндәргә рәхмәт әйтке килә. Изгелек ерҙә ятып ҡалмай!
Юлаевсыларҙы хәҙер тағы ла һынауҙар көтә. Сит майҙанда береһенән-береһе ауыр алты уйын үткәрәсәктәр. Бөгөн – «Аҡ Барс», 20-һендә – «Сочи», 23-өндә – «Себер», 25-ендә – «Барыс», 27-ендә – «Авангард» һәм 29-ында «Югра» менән алыш буласаҡ.
М. КӨЙӘРМӘНОВ.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж