Бөтә яңылыҡтар
Хоккей
19 Апрель 2020, 00:20

"Салауат Юлаев" Гагарин кубогын яуланы!

Ура, чемпион булдыҡ! Финалда командабыҙ "Йокерит" (Хельсинки) клубын да 4:0 иҫәбенә ҡыйратты!

Виртуаль уйын ғына булһа ла, юлаевсылар өсөн һөйөнөргә, ғорурланырға була. Сөнки улар – иң-иңе! Тәүҙә – "Аҡ Барс"ты, унан – "Себер"ҙе һәм бына бөгөн "Йокерит"ты еңде. Еңде генә түгел, өсөһөн дә 4:0 иҫәбенә ҡыйратты!
Ҡотлайбыҙ командабыҙҙы, көйәрмәндәрҙе. Юлаевсылар был виртуаль уйында иң күп тауыш йыйҙы. Тимәк, улар Рәсәйҙә иң популяры! Беҙҙекеләр Гагарин кубогын яуланы! Ура! Бөтә Өфө, Башҡортостан ҡыуана был еңеүгә! #КубокГагаринаОнлайн.

М. Көйәрмәнов.

Читайте нас в