+12 °С
Ямғыр
Бөтә яңылыҡтар
Мәғариф яңылыҡтары
13 Сентябрь 2019, 16:23
«Роснефть» синыфтары асыла
«Башнефть» компанияһы тарафынан «Роснефть» синыфы» тигән проект ғәмәлгә ашырыла. Рәсәйҙә бөгөн ошондай 117 төркөм асылған.
Яңы уҡыу йылы башынан Октябрьскийҙағы 22-се мәктәптең X «А» синыфы уҡыусылары ла был проектҡа ҡушылды. Әлбиттә, ҡыҙҙар һәм егеттәргә бындай ғәҙәти булмаған синыфҡа эләгеүе еңелдән булманы. Математика, информатика, физика һәм химиянан тест тапшырҙылар. Нефть компанияһы вәкилдәре, белем усағы уҡытыусылары һәм педагог-психологтар менән әңгәмәләшеү үткәс кенә 25 уҡыусы махсус синыфҡа ҡабул ителде.
Бик һәйбәт башланғыс. Үҙҙәренә яңы кадрҙар әҙерләүгә етди тотонғандар. Күптәргә өлгө булырлыҡ тәжрибә. Шулай уҡ һәләтле балаларҙы асыҡлау һәм махсус синыфта белем алғандарҙы юғары уҡыу йорттарына инергә әҙерләүҙе лә күҙ уңында тоттолар.
Уҡыу мәлендә «Роснефть» синыфы уҡыусылары нефть эше, нефть-газ комплексы һөнәрҙәре менән танышып, йүнәлешле фәндәр буйынса төплө белем аласаҡ. Ә иң һәләтлеләрен, олимпиада еңеүселәрен һәм призёрҙарын айырым рәүештә дәртләндереү көтөлә.
Октябрьский ҡалаһындағы проектҡа «Башнефть-Табыш» компанияһы яуаплы. Ул хәйриә программаһы сиктәрендә Өфө дәүләт нефть техник университеты уҡытыусыларына хеҙмәт хаҡы, лабораторияларҙы ҡуртымға алыу, транспорт өсөн сығымдарҙы түләй.
Быйылғы уҡыу йылынан Өфөлә 62-се лицейҙа ла «Роснефть» синыфы асылды. Хәҙер республикабыҙҙа өс ошо йүнәлешле синыф бар, киләсәктә уларҙың һаны тағы ла күбәйеүе көтөлә.
Лицейҙан – нефть университетына
Бына тағы бер яңылыҡ. Быйылдан «Өфө газпром трансгаз» нефть техник университеты менән «Предуниверсарий» проектын булдырҙы. Ул республика инженер интернат-лицейының йүнәлешле синыфы менән берлектә эш алып барыуҙы күҙаллай. Бында предприятие хеҙмәткәрҙәренең балалары ла уҡыясаҡ. ӨДНТУ-ның предуниверсарийында белем алыусы өлкән синыф уҡыусыларына, уҡыу планына ингән фәндәрҙән тыш, ошо юғары уҡыу йортондағы йүнәлештәр буйынса махсус курстар ҙа үткәреү көтөлә.
«Өфө газпром трансгаз»дың йәнә бер проекты Матвей Пинский исемендәге 83-сө инженер лицейында тормошҡа ашырыла. Унда «Газпром» синыфы 2016 йылда уҡ асылғайны. Хәҙер инде лицейҙың байтаҡ ҡына сығарылыш синыфы уҡыусыһы Өфө дәүләт нефть техник университетында уҡып йөрөй.
Был проекттар уҡыусыларға һөнәр һайларға булыша. Балалар мәктәп тупһаһынан уҡ технологик яҡтан үҫешкән компания менән танышып, киләсәктә ошо йүнәлештә эштәрен дауам итәсәк.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж