-4 °С
Ҡар
Бөтә яңылыҡтар
Мәңгелек ут
21 Июнь 2019, 13:39
Хөрмәтләп иҫкә алабыҙ
Әсәйем яғынан ҡарт ҡартатайым – Ғәлимйән Сәләхетдин улы Ишмөхәмәтов 1896 йылда Ейәнсура районының Малай Муйнаҡ ауылында тыуа. Үҙенә уҡыу эләкмәһә лә, бик зирәк кеше була. XX быуаттың 40-сы йылдарында ауылда ул ғына ҡултамға ҡуя белгән, шуның өсөн дә Ҡарағайтуғай ауылына колхоз рәйесе итеп ҡуялар.
Халыҡтың тамағы туймаған, кейергә кейем етмәгән саҡтар була. 1942 йылдың яҙында сәсеүҙән һуң бер тоҡ бойҙай артып ҡала. Уны Ғәлимйән ҡартатайым ауыл халҡына, кеше башына бүлеп, таратып бирә. Ҡыҙғанысҡа ҡаршы, араларында ҡара уйлы ошаҡсылар ҙа була. Яҡын ғына туған тейеш кеше район үҙәгенә барып, был «башҡа һыймаҫ» хәлде һөйләп бирә: йәнәһе лә, етәксе Ишмөхәмәтов колхоз байлығын таратып ята. Ҡартатайымды аслыҡтан интеккән ауылдаштарының хәлен еңеләйтергә тырышҡаны өсөн төрмәгә ултыртырға тейеш булалар. Шулай ҙа үҙен аҡлайҙар. Ул үҙе теләп, фронтҡа китә.
Ҡартатайым 112-се Башҡорт кавалерия дивизияһында бер командирҙы йөрөтә – күсер була. Германияға тиклем барып етә. 1945 йылда тыуған ауылына ҡайтып төшә. Сит илдән ғаиләһенә матур-матур күстәнәстәр алып ҡайта: ебәк юрған, ун биш йәштәрҙәге өлкән ҡыҙына күлдәк, юғары сортлы он. Был бүләктәр ябай халыҡтың төшөнә лә инмәгән. Тик уға тыныс тормошта оҙаҡ йәшәргә яҙмай. Ауылдағы ауыр эш, фронт яралары үҙенекен итә. Бер мәл ҡаты ауырып китә. Ҡартатайым һуғыштан ҡайтҡас: «Өс кенә йыл йәшәһәм дә, үкенмәҫ инем», – тип әйтер булған. Юрағаны юш килә: 1948 йылда, һуғыштан ҡайтыуына өс йыл үткәс, 52 генә йәшендә ул, рядовой, колхоз рәйесе Ғәлимйән Сәләхетдин улы, баҡыйлыҡҡа күсә.
Күпме ваҡыт уҙһа ла, беҙ үҙен онотмайбыҙ. Гел хөрмәтләп иҫкә алабыҙ.
Камилә ИСМӘҒИЛЕВА.
Салауат ҡалаһы, 25-се башҡорт гимназияһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж