Республикабыҙҙа “Мәҙәниәт” дөйөм дәүләт проекты нигеҙендә күп эштәр башҡарылыуы үҙенең яҡшы һөҙөмтәләрен бирә.
Фестивалдә ҡатнашҡан “Арба” спектакле (авторҙары – Таңсулпан, Зөһрә Бураҡаевалар, ҡуйыусы-режиссёры - Зиннур Сөләймәнов) ике номинацияла бүләкләнде: “Йәш тамашасы өсөн иң яҡшы спектакль” бүләгенә һәм тамашасы һөйөүенең махсус призына лайыҡ булды улар.
“Волга әкиәте” милли йәш тамашасы һәм йәштәр театрының төбәк-ара фестивале 16 – 20 ноябрҙә Чебоксар Йәш тамашасылар театры сәхнәһендә үтте. Пандемияға бәйле фестиваль тәүге тапҡыр онлайн һәм офлайн форматтарҙа ойошторолған. Унда Башҡортостан, Татарстан, Мари Иле, Сыуашстан республикаларынан 7 театр ҡатнашты.
Фото: Башинформ