-4 °С
Ҡар
Бөтә яңылыҡтар
"Минең бәләкәй бизнесым"
28 Август 2020, 15:34
Бишҡурайҙа балалар тырышып аҡса эшләй
«Йәйҙе нисек үткәрәһегеҙ?» тигән һорауҙы үҙебеҙҙең аралашҡан уҡыусылар чатына яҙыуым булды, күпләп яуап та килә башланы. О-һо-о! Ҡалай шәптәр! Күбеһе хыялдарын тормошҡа ашырыу өсөн аҡса эшләү әмәлен дә тапҡан. Араларында үҙҙәренең бәләкәй бизнесын асҡан, эшкә урынлашыусылар ҙа күп икән.
– Иртәнге 8-ҙән киске 6-ға тиклем эшләйбеҙ. Тиреҫ түгәбеҙ, корпустарға бысылған утындың онтаҡтарын һибәбеҙ, тирә-йүнде йыйыштырып, үҫкән үләнде сабабыҙ. Ҡаҙҙарға ашарға ем һалабыҙ, һыу ҡоябыҙ. Егет кешегә ошо эш ауыр түгел инде. Беренсе эш хаҡым 12 мең һум булды. Был аҡса ғаиләбеҙҙә кәрәк-яраҡҡа тотоноу өсөн бик ярап ҡалды. Мотоцикл һатып алдыҡ. Икенсе эш хаҡымды үҙемә кейем-һалымға тотондом. Әле минең ноутбук алырға иҫәбем дә бар, – ти тырыш егет.
Шулай уҡ сығарылыш синыф уҡыусыһы Руслан Фәррәхов Октябрьский ҡалаһындағы керамзит-блоктар эшләү цехына эшкә урынлашҡан. «Иртәнге һигеҙҙән киске һигеҙгә тиклем иҙмәне әҙерләп торам. Айына 30 мең түләйҙәр. Әле аҡсамды йыям», – ти ул.
Тағы үҙҙәренең бәләкәй бизнесын булдырыусылар ҙа байтаҡ икән. Бына сығарылыш синыф уҡыусыһы Илнар Хәсәнов:
Ә Карина менән Данил Петровтар баҡса еләге үҫтереп һатҡан.
– Быйыл баҡсабыҙҙа үҫтергән еләгебеҙ ныҡ уңды. Ауылдаштарыбыҙ төркөмөнә ватсапҡа иғлан биргәйнек. Шылтыратыусылар бигерәк күп булды. 5 литрлы күнәктәге еләкте 600 – 700 һумға һаттыҡ. 10 меңдән ашыу аҡса эшләнек. Мин үҙемә – яңы смартфон, Данил ағайым блютуз колонка алды, – ти Карина.
Шулай уҡ IX синыф уҡыусыһы Илдар Исхаҡов та каникулында тик ятмаған. Ауыл көтөүен көтөп, 15 мең аҡса эшләгән. Афарин, Илдар!
Ландыш Рамаҙанова V синыфҡа бара. Бәләкәй генә булһа ла, үҙ умартаһы бар. Әле ике күнәк бал айыртып алғандар. 3 литрлы ике банка балды 1 мең 800-әр һумға һатҡандар. Аҡса йыйып, ноутбук алырға йыйына икән.
– Августа әсәйемдең тыуған көнө, уға матур ғына бүләк алдым, – тип шатлыҡтары менән бүлеште Ирина.
Уҡыусыларым менән һөйләшеп алғас, кәйефтәрем күтәрелеп китте. Һәр береһенең маҡсатлы булыуы, атай-әсәйҙәренә ярҙам итеүҙәре – бик матур тәрбиә өлгөһө. Әлеге көндә аҡсаның ҡәҙерен белеп һәм уны дөрөҫ тотонорға өйрәнеүҙәре өсөн ҡыуандым. Ә иң мөһиме, ваҡыттарын бушҡа уҙғармай, маҡсат менән йәшәйҙәр. Маладистар!
Ләлә АБЗАЛОВА, уҡытыусы.
Туймазы районы, Бишҡурай мәктәбе.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж