+12 °С
Ямғыр
Бөтә яңылыҡтар
"Минең өс айым"
14 Сентябрь 2018, 13:59
Тамъяным барыбер матурыраҡ
Каникулды мин дә көтөп алдым. Сөнки сәйәхәттәр, мажаралар менән үтә ул. Хыялдар тормошҡа аша. Яңы уй-пландар барлыҡҡа килә. Етмәй ҙә ҡала каникул көндәре. Быйылғы өс айым да һиҙелмәйенсә үтеп китте.
Каникулды мин дә көтөп алдым. Сөнки сәйәхәттәр, мажаралар менән үтә ул. Хыялдар тормошҡа аша. Яңы уй-пландар барлыҡҡа килә. Етмәй ҙә ҡала каникул көндәре. Быйылғы өс айым да һиҙелмәйенсә үтеп китте.
Мәктәптә ойошторолған «Йәйләү» лагерында башланды ялым. Тамъян ырыуы башҡорттары бит беҙ! Тарихты өйрәндек, йыр-бейеү буйынса ярышып, еңеүҙәр яуланыҡ, спортта ла алдынғылыҡты бирмәнек. Районыбыҙҙың иҫтәлекле урындарына сәйәхәт ҡылдыҡ.
Ауылда өләсәйҙәрем йәшәй, туғандарым менән улар янына барырға ла өлгөрҙөм. Әлбиттә, ҡунаҡ ҡына булып ултырманыҡ инде, оло кешеләргә ярҙам да иттек. Баҡсалағы йәшелсәләргә һыу һиптек, ҡыйын утаныҡ.
Ә иң иҫтә ҡалырлыҡ ваҡиғалар алда көткән икән: атай-әсәйем беҙҙе алып, дуҫтары менән машинала Сочиға барасағыбыҙ тураһында һөйөнсө алды. Әҙерлек эштәре тамамланғас, 2 мең 250 саҡрым араға һуҙылған юлға сыҡтыҡ. Төрлө ҡала, ауылдар менән танышып, матур-матур урындарҙан уҙҙыҡ.
Бына данлыҡлы Волгоградҡа ла килеп индек. Ҡала ҙур, 1 миллион 13 меңдән артығыраҡ кеше йәшәй икән. Был күрһәткес буйынса илдә 15-се урынды биләй. 1925 йылға тиклем атамаһы – Царицын, 1925 йылдан 1961 йылғаса Сталинград була. Герой-ҡала. Граждандар һуғышы йылдарында Царицынды обороналауҙың һәм Бөйөк Ватан һуғышындағы Сталинград алышының мөһим пункты Мамай ҡурғанында ла булдыҡ. Серпантин буйлап ундағы «Ил-Әсә саҡыра!» монументына күтәрелдек. Скульптураның бейеклеге – 85, ҡылыстың оҙонлоғо – 33 метр.
Ниһайәт, алдыбыҙҙа – Сочи. Бейек тау башында урынлашҡан күп ҡатлы йорттар бик ҡыҙыҡһындырҙы. Беҙҙең фатир хужалары ябай, ҡунаҡсыл әрмәндәр ине. Баҡсаларында гранат, киви ағастары үҫә. Бөтә ерҙә таҙалыҡ, матурлыҡ.
Футбол буйынса донъя чемпионаты барған көндәр ине. Кискеһен стадионда Рәсәй менән Хорватияның уйынын ҡарау бәхете тейҙе. Төнгө Сочи матур! Мзымта йылғаһы ярында урынлашҡан «Роза Хутор» тау шифаханаһына экскурсияға барҙыҡ. Буддистарҙың концерты бик оҡшаны.
Һәр көн һыу инергә йөрөнөк. 37 градус эҫелек булды бит. Мультфильм геройҙары пляжда дискотекаға саҡырыу ҡағыҙҙары таратып йөрөй. Теләгән кеше менән фотоға ла төшәләр.
Һанаулы көндәр тиҙ генә үтеп тә китте. Беҙ Башҡортостаныбыҙға ҡайттыҡ. Эйе, сит яҡтар матур. Әммә барыбер Тамъяныма, үҙебеҙҙең Дим буйҙарына етмәй.
Илфат МӘХИЙӘНОВ.
Миәкә районы,
Тамъян-Таймаҫ мәктәбе.
Миәкә районы,
Тамъян-Таймаҫ мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж